AA'M ie...

وقتیکہ

2010-12-18T03:05:00.000-08:00

وقتیکہ اینجا بودم

برگشتن

2008-10-01T18:43:00.000-07:00

برگشتن خوب است چہ گاھی باشد چہ روز۔۔۔

وہی خدا ہے

2008-07-03T20:46:00.000-07:00

وہی خدا ہے !

شگفتہ on July 3rd, 2008

کوئی تو ہے جو نظام ہستی چلا رہا ہے
وہی خدا ہے
دکھائی بھی دے نہ جو نظر بھی ، جو آ رہا ہے
وہی خدا ہے

نظر بھی رکھے سماعتیں بھی
وہ جان لیتا ہے نیتیں بھی
جو خانہ لاشعور میں جگمگا رہا ہے
وہی خدا ہے

تلاش اس کو نہ کر بتوں میں
وہ ہے بدلتی ہوئی رتوں میں
جو دن کو رات اور رات کو دن بنا رہا ہے
وہی خدا ہے

کوئی تو ہے جو نظام ہستی چلا رہا ہے وہی خدا ہے
دکھائی بھی جو نہ دے نظر بھی ، جو آ رہا ہے
وہی خدا ہے

ShareThis

اللہ, حمد 2

2008-06-24T14:41:00.000-07:00

نہیں معلوم کس نے جہانزیب بھائی کو ٹیگ کیا ، بدلے میں انھوں نے سب کو ٹیگ کر اور کروا ڈالا ہے۔ ۔ ۔

مجھے شاید تین سال پہلے ن بھائی نے ٹیگ کیا تھا۔ ابھی ساجد اقبال بھائی اور شاہدہ آپی نے بھی ٹیگ کیا۔

ٹیگ کھیل دلچسپ ہے اور آسان بھی اور میرے لیےکچھ زیادہ ہی آسان ثابت ہوا ہے کہ تین دن سے اسی میں مشغول ہوں

کھیل کے قوانین کے مطابق :

کھیل کے قوانین جوابات دیتے وقت ارسال کرنا ہوں گے ۔

جِس نے آپ کو اس کھیل سے منسلک کیا ہے، اُسکی تحریر کا حوالہ دینا لازمی ہے

سوالات کے آخر میں آپ مزید پانچ لوگوں کو اِس کھیل سے منسلک کریں گے، اور اس کی اطلاع متعلقہ بلاگ پر نئی تحریر میں تبصرہ کر کے دیں گے

سوالات و جوابات مندرجہ ذیل ہیں:

آپ کا پسندیدہ تہوار کونسا ہے

کوئی بھی ایسا تہوار جو سب کے لیے خوشی کا باعث ہو۔

کیا آپ اس وقت کچھ سُن رہنے ہیں؟ اگر ہاں تو کیا؟

یہ سننے پہ تو مقالہ لکھا جا سکتا ہے۔ ۔ ۔ پرسوں جب میں ٹیگ جوابات لکھنے بیٹھی تو یہ لگا لیا تھا تاکہ لکھ سکوں کہ یہ سن رہی ہوں :) لیکن پوسٹ کرنے سے پہلے ہی بجلی چلی گئی۔ کل پھر ٹیگ جواب لکھنے بیٹھی تو یہ سن رہی تھی لیکن کل بھی بجلی چلی گئی ۔

اب اس وقت یہ ۔ ۔ ۔

اور جو نہیں لگایا سننے کے لیے، انھیں بھی سننا پڑ رہا ہے۔:) ۔ ۔ اگر دو سیکنڈ کے اندر اندر کمپیوٹر نہیں دیا تو میں اپنا کپیوٹر کا ٹائم بڑھا کر چار گھٹے کر لوں گا۔ ۔ ۔ یہ حمزہ صاب کا فرمان ہے۔ ۔ ۔

گفتہ ۔ ۔ ۔ مجھے وہ سننا ہے وہ جس کی مما نہیں وہ کہتی ہے ناں آئی ایم سیمنگ ۔ ۔ ۔ یہ دوسرے بھتیجا صاب ۔

میری بیٹی کا نمبر ملا دو ۔ ۔ ۔ امی جان

ٹرن ۔ ۔ ۔ ٹرن ن ن ن ۔ ۔ ۔ ٹرن ن ن ن ن ن ن ۔ ۔ ۔ لینڈ لائن

ابو کی بات البتہ دھیان سے سنتی چاہیے ۔ ۔ ۔ ہاں بیٹا چائے کا موڈ ہے ؟

سب سے آخری چیز جو آپ نے کھائی تھی کیا تھی؟

ایک تو بندہ کھائے اور پھر بتائے بھی ۔ ۔ ۔ اسی لیے ہمارے سیاستدان صرف کھانے پر یقین رکھتے ہیں اور بتاتے نہیں کہ کتنا کھایا۔ ۔ ۔ اگر بتاتے بھی ہیں تو صرف دوسرے سیاستدانوں کا بلکہ دکھاتے بھی ہیں کہ کس کس نے کتنا کھایا اور مزید کتنی تمنا ہے کھانے کی ۔

پرسوں جب لکھنے بیٹھی تھی تو۔ ۔ ۔ ستو۔ ۔ ۔ پھر بجلی چلی گئی

کل لکھنے بیٹھی تو۔ ۔ ۔ مٹھائی ۔ ۔ ۔ کھائی تھی لیکن کل پھر بجلی چلی گئی ، مجبورا پھر کھانا پڑا ، اس بار تصویر بھی بنا لی ثبوت کی خاطر ورنہ کھانے کا سلسلہ رکتا ہی نہیں:)۔ ۔ ۔ یہ دیکھیں ۔ ۔ ۔

سب سے آخری فلم کونسی دیکھی ہے؟

شکر ہے فلم کبھی کبھار ہی دیکھ پاتی ہوں ورنہ ایک فلم مجھے پرسوں دیکھنا پڑتی پھر جب لکھنے بیٹھتی تو بجلی نے چلے جانا تھا ۔ کل دوسری فلم دیکھنا پڑتی اور لکھنے بیٹھتی تو بجلی نے پھر چلے جانا تھا اور آج پھر تیسری فلم دیکھنا پڑتی۔ کچھ یا کافی دن پہلے اب یاد نہیں کتنے دن پہلے یہ فلم دیکھی تھی

رنگ خدا

آپ کا پسندیدہ قول کیا ہے؟

بد ترین محتاجی ، نفس کی محتاجی ہے

(حضرت علی ابن ابی طالب)

کِس مشہور شخصیت زندہ یا مردہ سے آپ مِلنا چاہیں گے؟

جو بھی ملنا چاہے ، مل لوں گی ۔

مشہور ہونا ضروری نہیں بس انسان ہونا ضروری ہے ۔ مشہور نہ ہو تو بہتر ہے مشہور لوگوں میں انسان کم ہوتے ہیں۔ ایسے لوگوں سے ملنا اچھا لگتا ہے جو انسان کی عزت نفس کو مقدم رکھتے ہیں، قول میں بھی اور فعل میں بھی۔

ویسے میں اب ملنا جلنا ختم کر دینا ہے اس لیے جو بھی ملنا چاہے جلدی جلدی :) مل لے۔

غصہ میں اپنے آپ کو پرسکون کِس طرح کرتے ہیں؟

غصہ آتا ہی اتنی مشکلوں سے ہے کہ روکنے کو دل کرتا ہے کہ اب آ گیا ہے تو کچھ دن تو رکے۔

اگر کوئی بات اچھی نہیں لگے تو اپنی غلطی ڈھونڈنے کی کوشش کرتی ہوں کہ میری غلطی کہاں ہے اگر میری اپنی غلطی ہو تو شرمندگی ہوتی ہے۔ اگر میری غلطی نہیں ہو دوسرے بندے کی ہو تو کوشش کرتی ہوں کہ وہ نام میرے لیے اتنا ہی محترم رہے جتنا کہ پہلے تھا اورخدا سے یہ دعا کہ مجھ سے اس کے حق میں کوئی برائی سر زد نہ ہو۔ البتہ جو لوگ معاشرے میں کسی بھی قسم کا انتشار اور نفرت پھیلاتے ہیں بھلے مجھے خود ان سے کوئی بھی تکلیف نہ پہنچی ہو ایسے لوگوں سے بات کرنے کو دل نہیں چاہتا۔

ویسے کیا غصہ بے سکون کر دیتا ہے ؟ لیکن کیوں؟ غصہ میں اگر اپنا نفس شامل نہ ہو تو میرے خیال سے غصہ بے سکون نہیں کرتا بلکہ اگر نفس شامل نہ ہو تو بعض جگہوں پر غصہ استعمال کیا جا سکتا ہے زندگی میں تعمیر کرنے کو۔ ۔ ۔ غصہ بھی ایک آرٹ ہے اظہار کے لیے ۔ ہاں اگر نفس شامل ہو تو پھر شاید ہوتی ہوگی بے سکونی ، پتہ نہیں ۔

کل رات بارہ بجے کیا کر رہے تھے ؟

سو رہی تھی ۔

فون پر سب سے آخر میں کِس سے بات ہوئی؟

ف آپی

اِس وقت آپ نے کِس رنگ کی جرابیں پہنی ہوئی ہیں؟

یہ تو موسم سرما کا ٹیگ ہے :)۔ ۔ ۔ اتنی شدید گرمی میں ذکر جراب :)۔ ۔ ۔ نہیں اس وقت تو کسی بھی رنگ کی نہیں البتہ سردی کی پلاننگ :) سفید رنگ

اب میں کس کا نام لکھوں ، سب کے نام ٹیگ ہو چکے ہیں شاید ؟

حمزہ ، زھراء ، فرزانہ

2008-05-19T09:57:00.000-07:00

O Allah… My Dear

تھینکس۔۔۔ اس نمک کے لیے جو اگر کھانے میں شامل نہ ہو تو مجھ سے کھانا ہی نہیں کھایا جاتا۔۔۔

2008-04-09T11:38:00.000-07:00

فمزا اور مسٹر فمزا نے سرپرائز دینے کی ٹھان لی ۔ ۔ ۔ دونوں کے فون آگے پیچھے اور دونوں کا ایک ہی بیان کہ دوسرا بندہ پہنچ رہا ہے۔ میں امی سے کہا کہ آنٹی ہی صحیح بتائیں گی کہ اصل بات کیا ہے سو آنٹی سے فون پر معلوم ہوا کہ ابھی تو فمزا کی فلائیٹ ہے اور مسٹر بعد میں پہنچیں گے۔ فمزا کے آنے کا مطلب کم از کم میرے لیے یہی ہے کہ جو جہاں ہے، جیسا ہے ، خیر ہے۔ لیکن امی کی ڈیفینیشن مختلف ۔ ۔ ۔ پروٹوکول ۔ ۔ ۔ اور اب تو نئے نکور داماد ہیں تومزید پروٹوکول۔ ۔ ۔ امی اسے ضروری سمجھتی ہیں۔ جبکہ میری تعریف میں پروٹوکول ہائے غیر ضروری ۔ ۔۔ ضروری ہو یا نہیں مجھے بس یہ مشکل کہ میری بے ترتیبی پر حرف آجاتا ہے ۔ ۔ ۔ میری بے ترتیبی متاثر نہ ہو تو کتنی اچھی بات ہو۔ ۔ ۔ اب یہ کیا کہ بندہ ترتیب میں آ جائے ۔ ۔ ۔

ف آپی اور مبھائی جب بھی آئیں یہاں گھر میں تو پروٹوکول کی بالکل پرواہ نہیں کرتے دونوں۔ بلکہ ف آپی کے میاں صاحب تو لگتا ہی نہیں کہ داماد اول ہیں ورنہ لڑکے اچھے بھلے ہوتے ہیں پر داماد بنتے ہی نجانے کیا ہو جاتا ہے۔ ۔ ۔

امی ابو کے داماد دوم اب آ رہے ہیں تو معلوم ہونا ہے کہ کیسے ہیں

خیر آنٹی سے تصدیق ہو جانے پر میری سانس بحال ۔۔۔ تازہ ترین یہ ہے کہ ایک گھنٹے میں فمزا کاکی یہاں آ موجود ۔ ۔ ۔ اور امی خوش

-------------------------------------------------

گھر واپس آتے ہوئے راستے میں ہمارے آگے موٹر سائیکل پر سوار انکل کو نجانے کیا سوجھی کہ کوئی اشارہ دیے بغیر اچانک سے موٹر سائکل فٹ پاتھ پر چڑھآ دی دوسری جانب سڑک پر جانے کے لیے۔ یہ نہیں کہ سیدھے رستے سے جائیں یا کوئی اشارہ ہی دے دیں کہ میرا اچانک سے خود کشی کو دل چاہ گیا ہے لہذا پیچھے آنے والے اپنا بند و بست کر لیں نہیں تو خود ذمہ دار ہوں گے۔ ان انکل کے فورا پیچھے ہم لوگ تھے اور ہمارے پیچھے گویا سب اہل شہر ایک اسی سڑک پر ہی سفر کرنے کی ٹھانے ہوئے تھے۔ مجھے تو شک بلکہ یقین ہے کہ انکل کی بیگم ضرور خونخوار ہوں گی اور دن میں جب جب اپنے میاں صاحب کو یاد کرتی ہوں گی تو میاں صاحب یعنی کہ یہ انکل ایسے ہی ہچکی کھا کر ایک دم پلٹا کھاتے ہوں گے اور فورا سے موڑ کاٹ گھر کی راہ ناپتے ہوں گے۔ ۔ بہر حال بھیا کی حاضر دماغی نے بچا لیا، یا پھر امی ابو کی کوئی نیکی یا پھر نہیں معلوم کس کی دعا کہ ہم بچ گئے ورنہ مرحومہ شگف کیا کر سکتی تھیں سوائے اس کے کہ اس وقت دوزخ میں مزے لے رہی ہوتیں۔۔۔ یا پھر وہاں دیگر دوزخیوں کا سکون برباد کر رہی ہوتیں

تمام بیگمات سے گذارش ہے کہ لللہ اپنے شوہروں کو اس وقت ہرگز یاد نہیں کریں جب وہ سڑک پر رواں دواں ہوں ورنہ میرے جیسا کوئی معصوم اپنی جان سے جا سکتا ہے۔ ۔ ۔ دنیا میں معصوم ویسے ہی کم ہیں۔

میری تو خیر ہے سب سکون کا سانس ہی لیں گے کہ چلو جان چھوٹی۔ ۔ ۔ شگف از گُڈ فار نتھنگ۔ ۔ ۔ لیکن بھیا کو اگر کچھ ہو جاتا تو ۔ ۔ ۔

------------------------------------------------

ہم لوگ تو خیر ابھی بچ گئے ہیں اپنے گناہوں میں اضافہ کرنے اور اعمال نامہ مزید سیاہ کرنے کو، لیکن ح بھیا کو کون بچائے گا کہ آزادی کے دن ختم ہونے کو ہیں اور بھیا پھر بھی خوش ہیں ۔ ۔ ۔ فمزا لوگ کا انتتظار ہو رہا تھا بھیا کو منگیتر یافتہ بنانے کے لیے ۔ فمزا تو نازل ہو چکی بلائے ناگہانی کی طرح سو اب رسمی کارروائی بھی ادا ہونے کو ہے اور اس ہفتے ہمیں ایک اور بھابھی مل جانی ہیں۔ ۔ ۔

2008-03-23T09:49:00.000-07:00

میرا انعام پاکستان

جب ہم نے خدا کا نام لیا ، اس نے ہمیں انعام دیا

میرا انعام پاکستان

پاکستان ، پاکستان

میرا پیغام پاکستان

پاکستان ، پاکستان

محبت امن ہے اور اس کا ہے پیغام پاکستان

خدا کی خاص رحمت ہے ، بزرگوں کی بشارت ہے

کئی نسلوں کی قربانی ، کئی نسلوں کی محنت ہے

اثاثہ ہے جیالوں کا ، شہیدوں کی امانت ہے

تعاون ہی تعاون ہے ، محبت ہی محبت ہے

جبھی تاریخ نے رکھا ہے اس کا نام پاکستان

اندھیروں کو مٹائے گا ، اُجالا بن کے چھائے گا

یہ خطہ انقلابی ہے ، نئی دنیا بنائے گا

اگر اللہ نے چاہا زمانہ وہ بھی آئے گا

جہاں تک وقت جائے گا اسے آگے ہی پائے گا

ندا قائد کی ہے ، اقبال کا انعام پاکستان

پاکستان پاکستان

میرا انعام پاکستان

میرا پیغام پاکستان

محبت امن ہے اور اس کا ہے پیغام پاکستان

2008-03-21T00:45:00.000-07:00

ازل کی خوشبو ہو جس میں پنہاں ، کوئی بتائے تو نام ایسا

وہ نام احمد کہ پھول برسیں ، بیان ایسا ، کلام ایسا

وہی ہے قرآں ، وہی ہے فرقاں ، وہی ہے ، رب جس کا ہے ثنا خواں

فرشتے پڑھ پڑھ کے جھومتے ہیں ، درود ایسا ، سلام ایسا

ہے دین حق میں جمال یزداں ، ہے عرش بھی جس پہ آج نازاں

وہی تو لایا ہے دین ایسا ، وہی تو لایا نظام ایسا

وہ جس کا سایہ تو عرش پر ہے ، وہ جس کا ذروں کے دل میں گھر ہے

وہی جو چمکا تو پھر نہ ڈوبا ، وہی ہے ماہ تمام ایسا

نظر میں یکساں غلام و آقا ، بزرگ و برتر ہے صرف تقوی

کوئی جہاں میں ہے دین ایسا ؟ کہیں ہے کوئی نظام ایسا ؟

وہ جس اندھیری گلی سے گذرا ، بدل دیا نور میں اندھیرا

دلوں کی دنیا بدل کے رکھ دی ، دیا دلوں کو پیام ایسا

عقیل ایسا ، خلیل ایسا ، جلیل ایسا ، جمیل ایسا

نہ رفعتوں میں ، نہ عظمتوں میں ، کسی نے پایا مقام ایسا

ازل کی خوشبو ہو جس میں پنہاں ، کوئی بتائے تو نام ایسا

وہ نام احمد کہ پھول برسیں ، بیان ایسا ، کلام ایسا

2008-03-19T06:03:00.000-07:00

ان کی نظر میں جب سے میں ہوں رنج نہیں ، آلام نہیں

میری نظر میں اس سے بڑھ کر اور کوئی انعام نہیں

رونے والی آنکھیں مانگو ، رونا سب کا کام نہیں

ذکر محبت عام ہے لیکن سوز محبت عام نہیں

تو شاعر ہے نعت نبی کا ، واعظ بن کر بات نہ کر

خضر سے رستہ پوچھ کے چلنا دیوانوں کا کام نہیں

جو محروم رخت سفر تھے ان کی گلی تک جا پہنچے

جذبہ الفت صادق ہو تو کوئی تڑپ ناکام نہیں

ان کا ثنا خواں ، ان کا بھکاری ، ان کا سوالی ، ان کا گدا

صرف ادیب نہ بولو مجھ کو ، ایک ہی میرا نام نہیں

2008-03-17T08:57:00.000-07:00

پاک سر زمین شاد باد

کشور حسین شاد باد

تو نشان عزم عالی شان

ارض پاکستان

مرکز یقین شاد باد

پاک سر زمین کا نظام

قوت اخوت عوام

قوم ، ملک ، سلطنت

پائندہ تابندہ باد

شاد باد منزل مراد

پرچم ستارہ و ہلال

رہبر ترقی و کمال

ترجمان ماضی شان حال جان استقبال

سایہ خدائے ذوالجلال

بوچھی

2008-03-09T03:16:00.000-07:00

بوچھی

بوچھی سے کبھی بات نہیں ہوئی تھی لیکن اکثر صبح کے وقت جب میں آنلائن ہوتی تو بوچھی کے پیغامات فورم پر نظر آ رہے ہوتے تھے دلچسپ سے، مجھے پڑھ کر ہنسی آ جاتی، لیکن کبھی بوچھی سے بات کرنے کا خیال نہیں آیا اور بقول فمزا میں اخلاقیات میں ویسے بھی پرائمری فیل ہوں۔ بوچھی کبھی جب لائبریری کے بارے میں کچھ ایسا ویسا کہہ جاتیں تب تو مجھے بالکل بھی اچھا نہیں لگتا تھا ۔

پھر ایک دن بوچھی نے خود بات کر لی اور عید جب آئی تو بوچھی کو بھوت سوار ہو گیا کہ عید پر تحفہ بھیجنا ہے سب کو۔ اب سب کو حکم کہ اپنے ایڈریس روانہ فرمائیں بوچھی دینے پر یقین رکھتی ہیں لینے پر نہیں ۔ بوچھی کی یہ بات ذرا بھی نہیں اچھی لگتی ۔

بوچھی کو غصہ بھی آتا ہے اور ٹھیک ٹھاک آ جاتا ہے اور جس پر آئے تو اس پر غصے کا حق ادا کرنے کی کوشش کرتی ہیں۔ اندازے لگانے کا شوق بھی ہے البتہ اندازے لگا کر دوسروں کی زندگی کو مشکل نہیں بناتیں۔ بوچھی سے جب بھی بات ہوتی میں ہمیشہ بھول جاتی کہ پوچھوں آپ کو گالیاں بھی آتی ہیں کیا۔ ۔ ۔ بوچھی کہیں پڑھ ہی نہ لیں ۔ ۔ ۔ بوچھی شرمندہ نہیں ہونے دیتیں ، بھولنے بھی نہیں دیتیں ، بھلانے بھی نہیں دیتیں، مسنجر پرہوں ، ٹیکسٹ میسجز ، فون ، ملاقات جب بھی اور جس طرح بھی ممکن ہو رابطہ ضرور کریں گی ۔ اس لیے کہیں جانے سے پہلے بوچھی کو اگر نہیں بتایا تو غلطی کی اور اگر بتا دیا تو یہ اس سے بڑی غلطی بھی ہو سکتی ہے۔ ۔ ۔ ادھر آپ سامان سفر باندھیں ادھر ساتھ ساتھ بوچھی چینل نے رننگ کمنٹری شروع کر دینی ۔ ۔ ۔

خود بھی کہیں جائیں تو یہی سماں بندھ جاتا ہے۔ ۔ ۔ کہیں سیاحت کو جائیں تو باقی ساری دنیا کو بھی سیر کروا دیتی ہیں اپنے ساتھ ساتھ ۔ ۔ ۔ تھینکس ٹو بوچھی

جملے اتنے دلچسپ بولتی اور لکھتی ہیں کہ لگے کبھی کوئی غم نہیں دیکھا۔ ۔ ۔

بوچھی کی جو بات اچھی لگتی ہے یہ کہ جب نمبر ملاتی ہیں تو فون بند کرنا بھول جاتی ہیں اتنی دیر گذر جاتی ہے کہ آس پاس سب تشویش میں آجاتے ہیں کہ آخر اتنے گھنٹوں سے کس سے بات کی جارہی ہے ۔ ۔ ۔ صبح ہو تو دوپہر ، دوپہر ہو تو شام ، شام ہو تو رات اور رات ہو تو ضرور دن ہو جائے گا۔ ۔ ۔ مسنجر پر ہوتی ہیں تو ایک ڈنڈا ساتھ رکھتی ہیں جو گاہے گاہے برستا رہتا ہے ۔ ۔ ۔ بوچھی سے بات کرتے مسنجر پر وقت گذرنے کا احساس ہی نہیں ہوتا ایک باربات شروع ہوئی تو سات آٹھ گھنٹے گذر گئے۔

کھانے پینے سے بھر پور رغبت ہے اس کی وجہ یہ ہے کہ بوچھی کا تعلق ایک کھاتی پیتی قوم سے ہے۔ قوم تو اپنے ملک کو کھائے جا رہی ہے لیکن بوچھی کچے چاولوں پر بھی گذارا کر لیتی ہیں اور اتنا زیادہ گذارا کرتی ہیں کہ گھر والوں کو کچے چاول چھپا کر رکھنا پڑتے ہیں ۔ لیکن پیٹ کے کیڑوں سے بہت ڈرتی ہیں اگر پیٹ کے کیڑوں کا ڈر نہ ہوتا تو عین ممکن ہے کہ کچے چاول ناپید ہو جاتے ۔ ۔ ۔

بوچھی کی صورت ایک ساتھ کئی رشتے مل جاتے ہیں بیک وقت دوست ہیں ، بہن ہیں ، اکثر ماں بن جاتی ہیں کہ دل ہوتا ہے کہا جائے ایک امی جان ادھر ہیں اب آپ کو بھی افورڈ کروں ۔ ۔ ۔ نصیحتیں کرنے کا شوق بھی ہے خود جن پر عمل کرنا ضروری نہیں سمجھتیں۔ دوسروں کا دکھ جذب کر لینا بھی آتا ہے۔ اور کسی وقت محض ایک چھوٹی سی بچی جس کی زبان اس دنیا میں شاید کسی کو سمجھ نہیں آتی ۔ ۔ ۔

بوچھی کی وجہ سے کئی مشکلات سے دو چار ہونا پڑتا ہے اب جیسے بندہ لمبا عرصہ بیمار بھی نہیں رہ سکتا۔ ادھر ذرا سی طبیعت خراب ہوئی ادھر بوچھی نے اتنا پریشان ہو جانا اور اپنے ساتھ ساتھ دوسروں کو بھی کر دینا کہ آپ سب کچھ بھول کے بس صحیح سلامت ہونے کی کرتے ہیں۔ اب واپس آکے دیکھیں تو شرمندگی ہوتی ہے کہ اتنے تو بیمار بھی نہیں ہوئے تھے۔ ۔ ۔ سو اگر بیمار ہونے کا حق ادا کرنا ہو تو خیال رہے بوچھی کو نہیں پتہ چلے۔

بوچھی سے اتنی محبت ملتی ہے کہ بے اختیار دل ہوتا ہے کہنے کو۔ ۔ ۔ بوچھی آئی لو یو۔۔۔

بوچھی سے فرمائشیں کرنے میں مزہ آتا ہے۔ فرمائش سُن کر بنی اسرائیل نہیں بن جاتیں۔ ۔ ۔ کچھ لوگ ایسے ہوتے ہیں کہ فرمائش سن کر ہزار بہانے اور کچھ لوگ طبیعت خراب ہو تو اپنی خراب طبیعت کی بھی پرواہ نہیں کرتےاور دوسروں کے لیے کھڑے ہو جاتے ہیں بوچھی سے بھی فرمائش کی جائے تو اب فرمائش جیسی بھی ہو بوچھی نے پوری کرنی ۔ یہ نہیں پوچھنا یا کہنا کہ کیوں ، نہ ہی کوئی اعتراض بس پوری کردیتی ہیں یا کوشش ضرور کرتی ہیں پورا کرنے کی ۔ ایک بار میں یہاں سےفرمائش جاری فرمائی کہ ساحل پر ریت پر میرا نام لکھ کر تصویر بنائیں کیمرے میں اور پوسٹ کر دیں۔ ۔ ۔ بوچھی نے سنا اور پہ دوسرے تیسرے دن تصویر موجود ۔ ۔ ۔ مجھے اتنی خوشی ہوئی دیکھ کر ۔ ۔ ۔ اور ساتھ ہی غم بھی ۔ ۔ ۔ بوچھی کو میرے نام کے ہجے تک نہیں آتے ۔

بوچھی کی سالگرہ آ کے گذر بھی گئی مجھے دیر سے معلوم ہوا سو حمزہ اینڈ کو کے ساتھ مل کر میں یہاں خود ہی کیک سے انصاف کر لیا بوچھی کو تصویر صرف روانہ کر دی ۔ ۔ ۔

اورتحفہ بھی پیک کر کے اپنے ہی پاس رکھا ہوا ہے ۔ ۔ ۔

خواتین کا عالمی دن نہیں معلوم کتنے لوگوں کے لیے خوشی کا سبب بنے یا نہیں لیکن میرا دل ہے کہ سب لوگ خوش رہیں۔ بوچھی میں آپ کو خوش دیکھنا چاہتی ہوں۔

آپ کیک سے انصاف اور کچے چاولوں سے پرہیز فرمائیں ، اور یہ کارڈ اگر سنبھال کر نہیں رکھا تو یہاں محفوظ ہے اگلی عید پر بھی یہی کارڈ ملے گا آپ کو

خدا کو بھی کہانیاں تخلیق کرنے میں مزہ آتا ہے۔ وہ دنیا کے کسی ایک کونے میں شگف جیسے لوگوں کو عبدیت و معبودیت کا چیلنج دے دیتا ہے اور سینکڑوں ہزاروں میل دور کسی دوسرے کونے میں کسی دل کو محبت کا امین بنا دیتا ہے بوچھی کے پاس ایسا دل ہے بوچھی اس محبت کو دوسروں تک پہنچا دیتی ہیں بلکہ اس میں اضافہ بھی کر دیتی ہیں۔ شکر ہے بوچھی فرشتہ نہیں انسان ہیں ، غلطیاں بھی کرتی ہیں لیکن اپنے غم بھلا کر کسی ایک کا نہیں سب کا خیال رکھتی ہیں ۔ ۔ ۔ بوچھی ان چند لوگوں میں سے ہیں جن کی وجہ سے مجھے ہمیشہ خدا سے شکوہ کرنے میں مشکل پیش آتی ہے ۔ ۔ ۔

بوچھی ، میں آپ کو کیا کہوں ۔ ۔ ۔ آئی لو یو ۔ ۔ ۔ نہیں یہ آپ سے تو نہیں ناں کہنا ۔ ۔ ۔ لیکن بوچھی ۔ ۔ ۔

I salute you !

2008-02-19T10:13:00.000-08:00

نسل زیاں گزیدہ

ہم آج تہذیب کے سفر میں

کہاں سے کس سمت آ گئے ہیں

ہمارے احساس کے نگر میں

یہ کیسے آسیب چھا گئے ہیں

نہ کوئی اوّل ، نہ کوئی آخر

نہ کوئی باطن ، نہ کوئی ظاھر

نہ کوئی پنہاں ، نہ کوئی پیدا

نہ کوئی توریت ہے ، نہ گیتا

نہ کوئی گوتم ، نہ کوئی عیسٰی

ہم ایک نسل زیاں گزیدہ

ہماری دنیا کہیں نہیں ہے

کہیں ہماری زمیں نہیں ہے

مہیب وسعت میں بے علاقہ گروہ ہیں ہم

چلے تھے انسانیت کا سرخیل بن کے لیکن

قدم قدم ٹھوکریں ہی کھائیں

ہمیں ملے آگہی کے طعنے

ہماری بینائیاں ہمارے لیے سزا تھیں

ہماری سچائیاں ہمارے لیے سزا تھیں

ہماری اقدار مختلف تھیں

ہم اپنے دل میں یہ سوچتے تھے

نہ کوئی قاتل ، نہ کوئی مجرم

نہ کوئی سارق ، نہ کوئی رہزن

یہ نام وقتی سیاستوں کی فریب کاری

مگر ہماری تمام اقدار پر طمانچوں کے وہ نشاں ہیں

جو آئینہ خانہ تمدن میں نوحہ خواں ہیں

ہم اپنے ماضی کی خاک سے اب کسے ابھاریں

ہم اپنی گونگی صداقتوں سے کسے پکاریں

رفاقتوں کا غرور بھی غم

محبتوں کا شعور بھی غم

ہم ایک نسل زیاں گزیدہ

یہی ہماری خطا ہے شاید

کہ ہم نے جینے کی سعی کی

ہمیں یہ دنیا عزیز بھی ہے

جبھی ہمارے تمام دعووں کے رد کی خاطر

عداوتیں ہیں کدورتیں ہیں

یہ سب ہمارے دوام کا مضحکہ اڑانے کی صورتیں ہیں

ہمارا ماحول

اب ہمارے وجود سے ہو چکا ہے نالاں

ہمارے سب خط وخال دھندلا کے رہ گئے ہیں

ہم ایک تنکے کی طرح بحر تعب کی موجوں میں بہہ گئے ہیں

ہم ایک نسل زیاں گزیدہ کے خواب میں خود کو ڈھونڈتے ہیں

ہم اپنے ہونے کے بر گزیدہ عذاب میں خود کو ڈھونڈتے ہیں

کہیں ہمارا نشاں نہیں ہے

صدی کی ساتوں دہائیاں ہم پہ خندہ زن ہیں

کہیں ہمارا نشاں نہیں ہے

وہ عہد جس میں ہماری نسل زیاں گزیدہ نے بار پایا

زمیں کی آنکھوں نے اس سے پہلے کبھی نہ دیکھا

اس آدم عہد نو کو دیکھو

کبھی سمندر میں ہے یہ رقصاں

کبھی ہے صحرا میں پا بجولاں

کبھی خدائے فضائے عریاں

ہے اک ہتھیلی پہ ہیر و شیما ، تو دوسری پہ قمر فروزاں

زمین اور آسمان کے درمیان جو کچھ چھپا ہوا ہے

سب اس کے دامن میں آ رہا ہے

ہم ایک نسل زیاں گزیدہ

کہیں ہمارا نشاں نہیں ہے

اس ارتقا کے سفر میں ہم گرد کارواں ہیں

ہماری حیرت ، ہمارے لمحے

ہمارے رشتوں پہ نوحہ خواں ہیں

ہم آئنسٹائن ، مارکس اور ڈارون سے پوچھیں

فرائیڈ کی معملوں سے گذریں

کہ ماو اور ہوچی منہہ کو دیکھیں

ہماری درد آشنا کتابیں

نمود احساس کی نقابیں

تو سازشوں کے سیاہ شعلوں میں جل رہی ہیں

جنہیں کتابوں کی آگ سے ہات تاپنے کو خوشی ملی ہو

ہم ان سے تعبیر لفظ و معنی کی کس توقع پہ داد پائیں

ادھر چتائیں

اُدھر چتائیں

ہمارے چاروں طرف تو ہے وحشتوں کا اک غول ہول انگیز

لرز رہا ہے وجود چنگیز

زباں نہ کھولو ، زباں نہ کھولو

دلیل و دعوے کی منزلیں اب گذر چکی ہیں

نشید و نغمات کی روایات مر چکی ہیں

ہمارے محبوب جسم ہر سُو سسک رہے ہیں

وہ بے یقینی کی وادیوں میں بھٹک رہے ہیں

کسی کی کپڑے پھٹے ہوئے ہیں

کسی کے پستاں کٹے ہوئے ہیں

یہ آگ اور خون کے سمندر

اُبھر رہے ہیں عتاب در بر

نہ جنگ نا وار و دار ہے اب

نہ پھول ہے اب ، نہ خار ہے اب

ہم ایک نسل زیاں گزیدہ

بہار دیدہ ، خزاں رسیدہ

ہماری خاطر کوئی نہ سوچے

کہ آج تو سوچ سوچ کر خود ہمارے اذہان تھک گئے ہیں

یہ لوگ جن کی زباں ہے خنجر

یہ لوگ جن کا نفس ہے اژدر

یہ لوگ کیا یوں بھی سوچتے تھے

کہ چھین لیں حق زیست ہم سے

نہ کوئی ان میں اداس ہوگا

نہ کوئی لاشوں کے پاس ہوگا

جو شہر صحرا میں ہم نے بوئے

اب ان کے سائے بھی ڈس رہے ہیں

سمندروں کو اسیر کر کے

ہم اوس تک کو ترس رہے ہیں

حریم و ریشم کی کار گاہیں بنا کے خود بے لباس ہیں ہم

بجا کہا : بے اساس ہیں ہم

میں جن کا قصہ سنا رہا تھا

اسی گروہ زیاں رسیدہ کا قرض ہوں میں

مگر یہ تم شرمسار کیوں ہو

ادھر ذرا میری سمت دیکھو

کسی سے میں نے یہ کب کہا ہے

کہ میں ہوں مایوس آدمی سے

ببوط انساں کا ذکر ہی کیا

مجھے خبر ہے کہ جو بھی طوفان نوح کے بعد بچ گئے تھے

وہی علامت تھے روشنی کی

وہی صداقت تھے آدمی کی

وہی شہادت تھے زندگی کی

اس ایک طوفاں کا ذکر ہی کیا

افق کے دامن میں ایک کشتی ابھر رہی تھی

اُفق کے دامن میں ایک کشتی ابھر رہی ہے

کلام : سحر انصاری

2008-02-18T05:57:00.000-08:00

یہ وطن تمہارا ہے ۔ ۔ ۔ تم ہو پاسباں اس کے

یہ وطن تمہارا ہے ، تم ہو پاسباں اس کے

یہ چمن تمہارا ہے ، تم ہو نغمہ خواں اس کے

اس چمن کے پھولوں پر رنگ و آب تم سے ہے

اس زمیں کا ہر ذرہ ، آفتاب تم سے ہے

یہ فضا تمہاری ہے ، بحرو بر تمہارے ہیں

کہکشاں کے یہ جادے رہگذر تمہارے ہیں

اس زمیں کی مٹی میں خون ہے شہیدوں کا

ارض پاک مرکز ہے قوم کی امیدوں کا

نظم و ضبط کو اپنا میر کارواں جانو

وقت کے اندھیروں میں اپنا آپ پہچانو

یہ زمیں مقدس ہے ماں کے پیار کی صورت

اس چمن میں تم سب ہو برگ و بار

دیکھنا گنوانا مت دولت یقیں لوگو

یہ وطن امانت ہے اور تم امیں لوگو

میر کارواں ہم تھے، روح کارواں تم ہو

ہم تو صرف عنواں تھے ، اصل داستاں تم ہو

نفرتوں کے دروازے خود پہ بند ہی رکھنا

اس وطن کے پرچم کو سربلند ہی رکھنا

یہ وطن تمہارا ہے ، تم ہو پاسباں اس کے

یہ چمن تمہارا ہے تم ہو نغمہ خواں اس کے

پرانی ریکارڈنگ

2008-02-15T08:26:00.000-08:00

ابُو بُوزن

ابو بوزن کے بارے میں جاننا ہے۔ ۔ ۔ اگر کسی کو معلوم ہو ، کچھ بتا سکیں اگر۔ ۔ ۔

2008-02-04T19:32:00.000-08:00

O Allah… My Dear

یہ کیسی بستی بسائی۔ ۔ ۔ تیری اس دنیا میں خالی اجسام کتنے زیادہ ہیں اور ذہن اتنے ہی کم۔ ۔ ۔

2008-02-01T18:34:00.000-08:00

یہاں پڑھیں

اور

یہاں بھی

2008-01-27T12:14:00.000-08:00

Autumn Fires

In the other gardens

And all up the vale,

From the autumn bonfires

See the smoke trail !

Pleasant summer over

And all the summer flower,

The red fire blazes,

The grey smoke towers.

Sing a song of seasons !

Something bright in all !

Flowers in the summer,

Fires in the fall !

Source : Unknown

2008-01-26T08:17:00.000-08:00

یوریکا ۔ ۔ ۔

نہیں یاد کتنی بار ۔ ۔ ۔ لیکن بار بار کرتی رہی ۔ ۔ ۔ یعنی کوشش ۔ ۔ ۔ پہلے تو اسکور بھی کم ہوتا تھا پھر اسکور بڑھنا شروع ہوا ۔ ۔ ۔ پھر بڑھتا گیا ۔ ۔ ۔ بڑھتے بڑھتے برابر ہو گیا ۔ ۔ ۔ پھر اس سے بھی بہتر ہونے لگ گیا ۔ ۔ ۔ لیکن جو بات نہیں سمجھ میں آ رہی تھی وہ یہ کہ کیا تمام کے تمام خانے کیسے حاصل کیے جائیں اور یہ بھی نہیں معلوم کہ آیا ایسا ہونا ممکن بھی ہے یا نہیں؟ میں تھک ہار کے جب دماغ بھی جواب دے گیا تو پھر سے شروع کر دی کوشش ۔ ۔ ۔ کیا کرتی ۔ ۔ ۔ ہو جو نہیں رہا تھا ۔ ۔ ۔ دماغ کی دہی بنتی رہی کوشش کرتے کرتے ۔ ۔ ۔ میں بھی بناتی رہی ۔ ۔ ۔ ارادہ تو یہی تھا کہ چلو اور کچھ نہیں تو دہی کا کاروبار بھی شروع کیا جاسکتا ہے۔ ۔ ۔ لیکن ابھی ادھر کاروبار کی پلاننگ شروع ہی کی تھی کہ ہو گیا ۔ ۔ ۔

:) :)

-

۔

یہ سب خانے اب میرے ہیں یعنی سو فیصد کامیابی

:) :)

کبھی کبھی لگتا ہے ناں کہ جو ہم چاہتے ہیں کرنا چاہتے ہیں وہ نہیں ہو سکے گا۔ کہیں سے بھی کوئی صورت نہیں نظر آ رہی ہوتی ۔ ۔ ۔ لیکن اگر کوشش کریں تو پھر ہو جاتا ہے ۔ ۔ ۔

2008-01-23T17:48:00.001-08:00

آجکل مجھے کچھ لوگوں پر غصہ آیا ہوا ہے ۔ وہ لوگ بالکل بھی نہیں اچھے ہوتے جو بچوں کو ڈانٹیں ، ڈرائیں یا ماریں یا کسی بھی طرح بچوں کے اندر خوف پیدا کریں ۔ ذرا بھی دل نہیں چاہتا ایسے لوگوں سے بات کرنے کو۔ ایسے لوگوں کے ساتھ کیا کیا جائے جو بچوں کو ڈراتے ہیں یا مارتے ہیں یا خوفزدہ کرتے ہیں ۔ ۔

2008-01-22T17:34:00.000-08:00

اس وقت تہجد کا وقت اور میری آنکھ کھل گئی ہے۔ شام کو جلد ہی سو گئی تھی سو ڈنر گول فرمایا ۔ اب صبح ناشتے میں امی کی صلواتیں بھی کھانا ہوں گی ساتھ ساتھ اور اگر امی نے زیادہ عزت افزائی کر دی تو ناشتہ بھی نہیں ملے گا کہ بقول اکثریت کے مجھے ضرورت تھوڑا ہی ہے کچھ کھانے کی

:) :)

ابھی کچھ دیر میں ابو نماز شب کے لیے اٹھ جائیں گے پھر کچھ دیر بعد امی ۔ اس وقت کمرے میں مکمل خاموشی ہے جو بہت دن بعد نصیب ہوئی ہے اور اس وقت اپنا کمرہ مجھے اتنا اتنا اتنا اچھا لگ رہا ہے ورنہ ہر وقت شور ہنگامہ آدھا دن گھر سے باہر کا شور اور باقی واپس آ کے تو گھر کا شور ۔ آج حمزہ اینڈ کو نے زچ کرنے کے نئے طریقے ڈھونڈے ہوئے تھے حمزہ کا بس نہیں چل رہا تھا مجھے سونے نہ دے اور میرا نیند سے برا حال اور نیند میری اتنی اچھی ہے کہ سولی پہ بھی فورا آ جائے بس تکیے پہ سر رکھنے کی دیر ہوتی اور ایک منٹ کے اندر اندر میں دنیا سے رخصت ہو جاتی ہوں پھر چاہے دنیا میں کتنے ہی انقلاب آ جائیں مجھے خبر نہیں ہونی ۔

اس وقت کا سکون پھر نہیں معلوم کتنے دن بعد ملے شاید کسی دن ایسے ہی جب اسی طرح آنکھ کھل جائے گی تب ۔

اس وقت میرا دل بہت سے کام کرنے کو چاہ رہا ہے جیسے میرا دل ہے کہ میں اپنے کمرے کی سب ترتیب بدل دوں ، بیڈ کی جگہ تبدیل کر دوں بلکہ باقی سب چیزوں کی بھی ۔ میرے سیل فون میں جتنے نمبرز ہیں سب ملا ڈالوں ایک ایک کر ۔ ۔ ۔ خاص طور پر سب سوتوں کو جگا دوں ۔ ۔ ۔

:) :) :)

سب دنیا کو شکایت کہ میں فون کر کے یاد نہیں کرتی تو سب کو بتاوں کہ میں کتنے دل سے یاد کرتی ہوں سب کو ۔ ۔ ۔ وہ نمبر تو ضرور ہی بہت دل ہے ملانے کو جن کے ملانے کو مجھے کبھی بھی توفیق نہیں ہوئی اور جن سے کبھی بات نہیں کی ۔ ۔ ۔

پھر میرا دل ہے کہ وہ سب لکھ ڈالوں جو کبھی نہیں لکھنا ۔ لکھنے پہ یاد آیا کہ حجاب سے وعدہ کر لیا ہے احوال سفر لکھنے کا ۔ اور بلاگ ریویو تو فمزا نے میری صحیح کی عزت ک ہے کہ اس سال شروع کر دوں تو اگلے سال تک تو ہو ہی جائے گا مکمل ۔ انٹرنیٹ کی دنیا عجیب ہے اور دلچسپ اور اچھی ۔ یہاں پر بہت سے لوگ کتنے اچھے ہیں ۔

سونے سے پہلے صبح کے لیے جو ڈریس نکالا تھا وہ مسٹرڈ شیڈ میں ہے لیکن اب میرا دل آف وائٹ اینڈ بلیک پر آ رہا ہے۔

فمزا اس وقت سو رہی ہو گی اور میں اس وقت فمزا کو یاد کر رہی ہوں کل ہی ناراض تھی کہ اسے فون کیوں نہیں کیا ۔ لاہور روانہ ہونے سے پہلے آخری دنوں کی جو وڈیوز بنائی تھیں وہ سب اب دیکھنے میں بڑا مزہ آتا ہے ۔ امی اگر میرے کمرے میں نماز پڑھیں تو نماز کے بعد یا آتے جاتے کسی بھی وقت امی کو بس ہر وقت فمزا کی یاد آجانی ۔ ۔ ۔ مجھے میری بیٹی دکھا دو ۔ ۔ ۔ امی سامنے ہی تو ہوں آپ کے ، مجھے کہنا پڑتا ہے تو آگے سے عزت ہو جاتی ہے کہ میں اپنی بیٹی کی بات کر رہی ہوں ۔ ۔ ۔ امی میں ہوں ناں آپ کی بیٹی۔ ۔ ۔ بہت یاد کر لیا تمہیں جبب ہاسٹل میں تھیں ۔ ۔ ۔ امی ایک دن آپ مجھے بھی یاد کرنا ہے اور میری تصویر دکھانے والا بھی کوئی نہیں ہوگا تو مزید عزت ہو جاتی ہے کہ یہ جو دیوار پر تمہاری بڑی سی تصویر لگی ہے یہی کافی ہے تمہیں دیکھنے کو ۔ ۔ ۔

:) :)

ابو کب سے اٹھ چکے ہیں اور امی بھی ۔ ابھی کچھ دیر اور گذرے گی تو صبح کی اذان ہو جائے گی ۔ ۔ ۔ ایک نیا دن انتظار میں ہے کچھ تعمیر کر نے کو لیکن مجھے تو شیطانیاں ہی فرمانی ہیں ۔ ۔ ۔

:) :) :) :)

2008-01-15T12:23:00.000-08:00

اہم کیا ہے۔ ۔ ۔ یہ جاننا کہ دکھ کا گھر کیسا ہوتا ہے۔ ۔ ۔ یا ۔ ۔ ۔ دکھ کے گھر میں رہنا ۔ ۔ ۔ دکھ کے گھر کی دیواریں گولائی میں ہوتی ہیں جیسے کنویں کی دیوار۔ اس کا کوئی دروازہ نہیں ہوتا اس میں صرف اندر رہنا ہوتا ہے۔ ۔ ۔ اس کی کوئی چھت بھی نہیں ہوتی ۔ ۔ ۔ یہاں سے صرف آسمان نظر آتا ہے کبھی کبھار روشن ورنہ تاریک اور اکثر تو یہ بھی نہیں معلوم ہوتا کہ دن ہے یا رات۔ ۔ ۔ دکھ کے گھر میں کان کو سننا ہے ، آنکھ کو دیکھنا ہے پر زبان کو چُپ رہنا ہے ۔ ۔ ۔ دُکھ سنا جاتا ہے ، دکھ دیکھا جاتا ہے ، دُکھ بولا نہیں جاتا یہ جذب کیا جاتا ہے ۔ ۔ ۔ کتنا دُکھ جذب کیا جائے۔ ۔ ۔ تخلیق کار نے دکھ کا کوئی پیمانہ کیوں نہیں رکھا ۔ ۔ ۔ ؟؟ خدا اپنے گھر میں ہر سال اپنے پسندیدہ لوگوں کو بلاتا ہے وہ وہاں جاتے ہیں حج پرفارم کرتے ہیں ۔ ۔ ۔ لبیک اللھم لبیک ۔ ۔ ۔ دُکھ کے گھر سے کوئی رستہ نہیں نکلتا ۔ ۔ ۔ اس گھر سے قیدی فرار نہیں کیا کرتے ۔ ۔ ۔ یہاں ہر وقت حج پرفارم کرنا ہے ۔ ۔ ۔ لبیک اللھم لبیک۔ ۔ ۔ کہیں سے آواز آ رہی ہے ، نہیں معلوم کہاں سے۔ ۔ ۔ لبیک اللھم لبیک ۔ ۔ ۔

2008-01-13T11:51:00.000-08:00

2008-01-13T09:02:00.000-08:00

2008-01-13T07:50:00.000-08:00

2008-01-13T06:31:00.000-08:00

2008-01-13T05:01:00.000-08:00

2008-01-13T04:28:00.000-08:00

88888

2008-01-06T03:51:00.000-08:00

بالآخر ہم سب بخیر و عافیت گھرواپس پہنچ گئے ۔ گھر اتنا اچھا لگ رہا ہے کہ اس سے پہلے شاید ہی لگا ہو۔ یہ سب دن اتنی مشکل سے گذرے کہ خیال آتا تھا کہ واپس گھر پہنچنا بھی ہوسکے گا یا نہیں ۔ بالکل ایسے جیسے اسٹون ایج میں وقت گذرا ہو ۔ کسی سے رابطہ ہی نہیں ہونے میں آ رہا تھا ۔ ستائیس دسمبر کو ذرا سی دیر کے فرق سے اگر ہم سفرمیں رہ گئے ہوتے تو عین ممکن تھا کہ آج میں عالم بالا سے لکھ رہی ہوتی ۔۔۔
بوچھی آپ کا میسج واپس آ کے دیکھ سکی ہوں۔ میرا سیل نمبر جس کے آخر میں چار[۴] ہے ابھی تک داغ مفارقت دیے ہوئے ہے، شکر ہے دوسرا نمبر اب سکتہ سے باہر آ چکا ہے۔ بہت زیادہ تھکن ہو گئی ہے دل چاہ رہا ہے چار پانچ ماہ تک بس کچھ نہ کروں صرف سوتی ہی رہوں
:)

2007-12-26T01:47:00.000-08:00

بر دکھوا

امی ابو کی کچھ باتوں سے مجھے شدید شکایت رہنی کہ ان کی وجہ سے ہمارا حق مارا جاتا ہے، اب جیسے امی نے بھیا کے لیے لڑکیاں دیکھنے کی روایت پر عمل نہیں کیا تھا نہ ہی ہم بہنوں کو ساتھ لے کر دنیا جہاں کے گھروں میں جہاں جہاں لڑکیاں پائی جاتی ہوں وہاں جا جا کے لڑکیوں کو اشیاء کی طرح دیکھا۔ بلکہ جہاں امی کو لگا کہ جانا چاہیے وہاں صرف انھیں اپنی آمد سے مطلع کیا اور جا کے بس اپنا خیال پروپوزل کی صورت پیش کر دیا۔

لیکن ایک ایسی خبر سنی کہ دل حیران و افسردہ ۔ لوگوں نے کیسے کیسے طریقے ایجاد کیے ہوئے ہیں ایذا رسانی کے۔ ۔ ۔ اس اتنے بڑے شہر میں ایک گھر ایسا بھی ہے کہ جہاں موجود ایک لڑکی کو دیکھنے کے لیے آنے والی خاتون نے سب کچھ کھا پی لینے کے بعد لڑکی سے اٹھنے کو کہا اب لڑکی صوفہ سے اٹھی فرمائش ہوئی ذرا کمرے سے باہر تک چلو لڑکی چلی ، باہر پہنچی اب یہ خاتون بھی چلیں اور باہر جا کر فرمایا ذرا جوتا اتار کر کھڑی ہو جاو۔ ۔ ۔ معلوم ہوا کہ کمرے سے باہر تک چلانے کا مقصد یہ دیکھنا تھا کہ لڑکی کے چلنے میں کوئی عیب تو نہیں ہے ۔ جوتا اتروانے کا مقصد دراصل بغیر جوتے کے قد دیکھنا تھا کہ کتنا ہے لڑکی کا یعنی وہ زمین سے بغیر جوتے کے کتنا اوپر ہے ۔۔۔ خاتون مطمئن ہوئیں یا نہیں یہ نہیں معلوم ہو سکا البتہ شادی ہو گئی ۔۔۔ اب وہ لڑکی نہیں معلوم زمین سے اوپر ہے یا نیچے اس دن کے بعد سے۔ ۔ ۔ انسان اپنے ہی جیسے انسانوں کے ساتھ کیا کیا کچھ کرتا ہے۔

رنگ ، نسل ، زبان ، عقیدہ ، قد ، شکل ، دولت ، تعلیم ، عہدہ ، مسلک ، خاندان ، اعلی حسب نسب اور نہیں معلوم کیا کیا ۔ ۔ ۔

کیا یہ سب ایک پُرسکون زندگی کے ضامن ہو سکتے ہیں ؟

اور لڑکیوں کو سمجھا جاتا ہے کہ وہ زیور اور کپڑے اور دولت ہی کو زندگی کا حاصل سمجھیں

لڑکی کو متوقع شوہر صاحب سے یہ سوال ضرور کرنا چاہیے کہ اگر گھر میں کھانے کو کچھ نہ ہو اور بیوی بچے بھوک سے بے حال تو کیا وہ اعتماد کے ساتھ کہیں بھی محنت مزدوری کر کے بچے کے لیے کچھ کھانے کا بند و بست کر سکیں گے یا کرنا چاہیں گے یا اپنی تعلیمی ڈگری ، اسٹیٹس ، اور لوگوں کے خوف و شرمندگی کے سبب بچے کو بھوکا سلائیں گے

لڑکے کو چاہیے کہ وہ بھی سوال کرے کہ اگر میں ایمانداری کے ساتھ سارا دن تلاش و کوشش کے باوجود بھی ناکام رہا اور گھر میں کھانے کو کچھ نہ لا سکا تو خدا کی رضا میں راضی رہنے پر میرا ساتھ دینا ؟ اب اگر دونوں کا جواب ہاں میں ہو تو پھر کس بات کی پریشانی ۔ ۔ ۔ ۔ بہتر ہے کہ اگلے مرحلے میں مولوی صاحب کو زحمت دی جائے

فمزا کہاں ہو ؟ بھیا کا بر دکھوا ہے ۔ ۔ ۔

عید الاضحی مبارک

2007-12-22T01:16:00.000-08:00

آج عید ہے

آج ہم سب مسلمان ہیں

ہم سب اگلے بیس دنوں تک بھی مسلمان رہیں گے

اس کے بعد ہم تقسیم ہوجائیں گے

ہم مسلمانوں کے پاس بہت پیسہ ہے

لیکن یہ ہم تعلیم کے لیے خرچ نہیں کیا کرتے

ہماری ترجیحات میں تعلیم کہیں نہیں ہے

کہیں ہم پڑھ لکھ نہ جائیں

کیا آپ کو یقین نہیں آیا کہ ہمارے پاس پیسہ ہے

بے شک حساب لگا لیں

ہم قربانی کے نام پر پہلے دن دوسرے دن حتی کہ تیسرے دن بھی بھاری رقوم خرچ کرتے ہیں

لیکن ہاں حساب لگا کے یہ نہیں کہنے کی ضرورت کہ کچھ حصہ ہی سہی تعلیم کے لیے خرچ کر لیں ان رقوم سے

ہم آپ کی ذہنیت پر شک کریں گے اگر آپ نے ایسا سوچا بھی۔

ہم کھاتی پیتی قوم ہیں

ہمیں کھانے پینے سے دلچسپی ہے

قربانی کے جانوروں کو ہم فریزر میں بھر بھر کھاتے رہتے ہیں قربانی کے نام پر

ہمیں کھانے سے اس درجہ رغبت ہے کہ ملک تک کھائے جا رہے ہیں

کھانے کے بعد ہمیں سونے سے رغبت ہے ۔ سونا دو طرح کا ہوتا ہے ایک وہ جسے نیند کہتے ہیں یہ مرض ہمارے مردوں اور خواتین دونوں میں پایا جاتا ہے ۔ ۔ ۔ دوسرا وہ جس میں ہماری اکثر خواتین پیلا ہونا پسند کرتی ہیں اور جس کی پیلاہٹ میں ان کا اصل رنگ و روپ اور سادگی متاثر ہوتے ہیں۔ ۔ ۔

کھائیں گے تو ظاہر کہ غنودگی ہوگی

جتنا زیادہ کھائیں گے اتنی زیادہ غنودگی

اب اتنا بڑا ملک کھائیں گے تو غنودگی بھی اسی حساب سے ہونی ہے

اس لیے آپ اکثر بلکہ تمام اہم معاملات پر ہمیں سوتا ہوا پائیں تو

خبردار

ہمیں ڈسٹرب نہ کریں

ایسا نہ ہو کہیں جگانے کا سوچنے لگیں

اچھا کہیں آپ کو شک تو نہیں ہے ناں ہم پر ۔ ۔ ۔ ان باتوں پر

اگر ذرا سا بھی شک ہوتو بے شک کسی سے بھی پوچھ کے دیکھ لیں

:) :)

البتہ ایک راز کی بات ۔ ۔ ۔

ان باتوں پر دھیان نہ دیں

شگف تو پاگل ہے

آپ کو ان باتوں میں لگا کر خود چائے سے شغل فرمانا ہے

یہ دیکھیں ایسے ۔ ۔ ۔

:) :)

اٹس ٹی بریک

۔

2007-12-20T08:09:00.000-08:00

مقدمہ

نہیں جی یہ کسی بندے پر مقدمہ نہیں کیا جا رہا حالانکہ بہت دل ہے کہ چند لوگوں پر مقدمہ کیا جاسکتا ۔

:)

یہ دراصل لاہور کے سفر نامہ کا مقدمہ ہے ۔ پورے تین دن لگے سفرنامہ لکھنے میں۔ کچھ نکات کے لئے تحقیق کرنے کی ضرورت پیش آئی جس کی میں اپنے طور پر کوشش تو کی ، حق ادا نہیں ہوسکا۔ اور یہ سفر نامہ اب اتنا طویل ہوچکا ہے لکھ لکھ کے کہ اب اسے مختصر کرنے کی ضرورت ہے اسے مختصر کرنے کے لئے نجانے کتنا وقت لگے۔ اتنا طویل پوسٹ کرنا کاری دارد۔ اس میں تصویروں کی تعداد چار سو سے اوپرچلی گئی ہے جو وڈیوز بنائیں وہ الگ۔ اب ان سب میں سے کسی ایک یا چند ایک کو منتخب کرنا بھی ایک مسئلہ ۔ کئی نکات میں ساتھ ساتھ کاغذ پر نوٹ کرتی رہی تھی کیونکہ دوران سفر بلکہ لاہورسے گھر واپس آنے تک کمپیوٹر کا اگر میں صرف نام بھی لے لیتی نہ تو گھر والوں نے بلا تاخیر اور بغیر سوچے مجھے شوٹ کر دینا تھا اور کوئی ایف آئی آر بھی درج نہ ہوتی ۔ ۔ ۔ اس طرح شہید ہونے پر طبیعت مائل نہیں ہوسکی۔

لڑکوں کو کتنی آسانیاں ہوتی ہیں جدھر دل ہوا منہ [بھلے منہ اس لائق ہو یا نہ ہو] اُٹھا کے چل دیئے۔ دنیوی و اُخروی ساری کی ساری مصیبتیں ہمارے لئے ہی رہ گئیں ہیں۔ ۔ ۔

اس سفر نامہ کے وجود میں آنے کی سراسر ذمہ داری فمزا کی شادی پر عائد ہوتی ہے اس میں سچی سے میرا کوئی قصور نہیں ہے۔

مجھے ذاتی طور پر بہت زیادہ خوشی ہوئی کہ میں نبیل بھائی کے گھر جا سکی وہاں آنٹی سے اور انکل سے اور م سے بھی مل سکی۔ نبیل بھائی کے والدین سے ملنا میری وش لسٹ میں شامل تھا۔ مجھے اتنا اچھا لگا وہاں جاکے، سب سے مل کے، م سے دوستی کر کے۔ ۔ ۔ اتنا اچھا کہ وہاں کئی گھنٹے گذر گئے اور چند دیگر جگہوں پرپھر جانا نہیں ممکن ہوسکا بلکہ پیچھے سے گھر والوں کے فون آنا شروع کہ واپس آنے کا ارادہ بھی ہے کہ نہیں

:)

شکر ہے آنٹی نے میری عمر پر شک نہیں کیا ۔ ۔ ۔ میں وہاں پہنچی تو آنٹی نے کہا، " آپ تو چھوٹی سی ہیں فون پر تو کافی بڑی لگ رہی تھیں " آنٹی کے اس جملے کو تاریخ میں سنہری حروف میں لکھا جائے۔

نبیل بھائی کے گھر جا کے میرے ذہن میں نبیل بھائی کا جو تصور تھا وہ ایک دھچکے سے تبدیل ہوا

:)

نبیل بھائی ، میں بے حد شکر گذار ہوں کہ آپ کی وجہ سے مجھے دو شاندار ہستیوں سے ملنا ، اُن کو سننا اور اُن سے دُعائیں پانا نصیب ہوا ، مجھے آخر تک بے یقینی رہی کہیں نبیل بھائی منع نہ کر دیں ۔ تھینکس نبیل بھائی ۔ ۔ ۔ تھینکس آلاٹ

میں بھیا کی بھی دل سے شکر گذار ہوں کہ مجھے نبیل بھائی کے گھر لے کر گئے۔

محب علوی فیملی سے ملاقات نہیں ہوسکی البتہ فون پر ہی دو تین بار بات ہوسکی۔ مسز ق محب علوی سے بات کرکے مجھے بہت اچھا لگا ۔

She’s a nice person.

امن سے رابطہ نہیں ہوسکا ۔ چھوٹے بھائی فرذوق سے بھی رابطہ نہیں ہوسکا۔ امن ، فرذوق محب علوی اور چند دیگر اراکین سے اردو محفل کے ذریعہ ایک ڈیڑھ سال سے گاہے گاہے بات ہوتی رہی ہے اور اردو محفل پر سب سے ہی کچھ نہ کچھ سیکھنے کو بلکہ کئی بہت سی اچھی باتیں سیکھنے کو موقع ملا ۔

میرا دل تھا کہ سب کو روبرو یا فون پر شکریہ ادا کر سکوں۔

بوچھی سے مہندی ، بارات اور ولیمہ تینوں مواقع پر فون پر بات ہوئی ۔ بوچھی ، مجھے بہت خوشی ملی تھی آپ سے بات کر کے۔ میں آپ کی احسان مند ہوں۔ سارہ اور حجاب کے نمبر ملائے مگر نہیں ریسیو ہو سکے، شمشاد بھائی کے نمبر پر بات ہوسکی ۔ شمشاد بھائی آپ سے بھی بات کر کے خوشی ہوئی۔ آپ کی اور بوچھی کی دعائیں فمزا کو پہنچا دی ہیں۔ فمزا نے بہت شکریہ کہا ہے۔ ماوراء کے نمبر پر صرف ٹیکسٹ میسج جا سکا ۔

سفر کرنا اچھا لگتا ہے کچھ نہ کچھ سیکھنے کو موقع ملتا ہے۔ اس سفر میں بھی مجھے سیکھنے کو موقع ملا ۔ مجموعی طور پر لاہور جانا اچھا لگا۔

جس طرح زندگی میں سب کچھ اچھا نہیں ہوتا اور سب کچھ محض ہماری خواہش کے مطابق نہیں ہوتا چاہے ہماری نیت کتنی ہی صاف کیوں نہ ہو اسی طرح اس سفر کی وجہ سے ایک تکلیف دہ صورت بھی پیدا ہوئی جو کبھی میرے وہم و گمان میں بھی نہیں آ سکتی تھی۔

کبھی ایسا بھی ہوتا ہے کہ نہ چاہتے ہوئے بھی ہم اندھیرے میں ہوتے ہیں اور کچھ سراغ نہیں ملتا کہ کہاں ، کس جگہ کس سے غلطی ہوئی ۔ اندھیرے میں رہنا بہت تکلیف دہ ثابت ہوتا ہے۔ میں اندھیرے میں ہوں۔ اگر کوئی سراغ تھا تو مٹ چکا ہے۔

زندگی کبھی بہت خوبصورت اور کبھی بالکل بھی اچھی نہیں لگتی۔ تھینکس ٹو آل دوز جو زندگی میں روشن چہرے ثابت ہوتے ہیں اپنی روشن سوچ کے ساتھ ۔ ۔ ۔ اپنے روشن عمل کے ساتھ

لاہور کا سفر ختم ہوا ۔ ۔ ۔ زندگی کا سفر بھی کسی وقت ختم ہو ہی جانا ہے ، تھینک گاڈ کہ اس دنیا میں ہمیشہ کے لئے نہیں رہنا ۔

ایک دھماکے دار خبر مل چکی ہے ، اب ایک اور سفر درپیش ہے وہ بھی بہاولپور کا۔ اتنی سردی میں پ بھائی کی شادی ۔ ۔ ۔ ایک جانب اس شادی کی دلی خوشی ہے ۔ پ بھائی ایک سیلف میڈ انسان ہیں اللہ کرے انھیں آئندہ زندگی میں آسانیاں اور خوشیاں ملیں ، آمین۔ ۔ ۔ ساتھ ہی لاہور کی سردی کھانے کے بعد اب بہاولپور کی سردی کھانا ہوگی۔ ایک تو پتہ نہیں کیوں ساری دنیا کے لوگ کراچی میں ہی کیوں نہیں آ کر رہنا شروع کر دیتے ۔ ۔ ۔ ساری دنیا میں بکھرے پڑے ہیں ۔ ۔ ۔ پھر شادیاں بھی کرتے ہیں اور ہم جیسے معصوم سردیوں میں شادیاں اٹینڈ کریں ۔ سردی میں کوئی شادی اٹینڈ کرنا یعنی نہ سردی سے لطف اندوز ہوسکتے ہیں نہ شادی میں صحیح سے شرکت۔

شکر ہے اردو محفل سے کوئی رکن بہاولپور میں نہیں ہے۔

آخر میں ایک بات کہنا ہے

اگر کوئی آخرت میں جنت حاصل کرنا چاہے تو پلیز مجھے بتائیں کہ جو وڈیوز میں بنائی ہیں اگر ان میں سے کچھ یا چند ایک یا صرف ایک ہی میں سفر نامہ میں شامل کرنے کی جرات کرنا چاہوں تو وڈیو کو کس طرح ایڈٹ کروں اگر اس میں سے

کچھ غیر ضروری حصہ نکالنا ہو؟

بیک گراوّنڈ میں موجود آواز ختم کرنا ہو؟

بیک گراوّنڈ میں کوئی ساوّنڈ ایفیکٹ شامل کرنا ہو؟

شکریہ

2007-12-20T07:24:00.000-08:00

حج بالآخر ہو چکا ۔ کتنے ہی پسندیدہ لوگوں نے حج ادا کیا ۔ کل یہاں عید ہے۔

ماوراء ، بہت بہت مبارک باد انکل آنٹی کے حج مبارک کی۔ اور آنٹی اور انکل کو بھی مبارک باد

2007-12-17T03:45:00.000-08:00

ہوم سوئیٹ ہوم

2007-12-10T01:58:00.000-08:00

امن ، فمزا

دلی مبارک باد

اور

دعائیں

:)

2007-12-05T10:49:00.000-08:00

فرصت کا صرف ایک ہی دن نصیب ہونا ہے لاہور میں اور اگلے دن واپسی ہو جائے گی۔ لاہور میں ایسی کون سی خاص جگہ یا جگہیں ہیں جو ایک دن میں وزٹ کی جا سکتی ہیں ؟

2007-12-01T06:28:00.000-08:00

:-)محمد اریب :-)

میں ابھی سو رہا ہوں ۔۔۔ !!

2007-11-25T17:26:00.000-08:00

یخ بستہ خزاں

Image taken from

2007-11-25T04:41:00.000-08:00

ٹیسٹ پوسٹ

2007-11-15T16:50:00.000-08:00

ان دنوں کتنی زیادہ مصروفیت ہے اور اتنے بہت سے کام کتنے دنوں سے رات کو اتنی دیر تک جاگنا ہو رہا ہے اور کتنے غلط وقت پر میں شدید تھکن سے بے حال ہو کر سو چکی تھی ۔ فمزا کے ہاسٹل میں سب نے مل کر ڈھولکی رکھی تھی مجھے پہلے ہی شرکت نہ کرنے کا افسوس تھا کہ میں نہیں جا سکی پھر اسی پر صبر کر لیا تھا کہ فون پر سب تقریب میں شرکت کر لینی ہے ۔ اور عین وقت پر میں اس دنیا میں ہی نہیں تھی ۔ امی نے گہری نیند سے جگا کے مجھے سیل فون تھمایا میں نیند ہی میں فمزا سے بات کی پتہ نہیں کیا کہا میں نے کچھ یاد نہیں۔ پیچھے سے ڈھولک اور گیت اور شور و ہنگامہ برپا تھا ۔ امی نے بتایا کہ میں فمزا کو دس منٹ بعد بات کرنے کو کہا تھا اور میری جب آنکھ کھلی تو دس گھنٹے گذر چکے تھے۔ ۔ ۔ :( کل فمزا گھر آ رہی ہے ہاسٹل سے ہمیشہ کے لئے اور بس تھوڑے وقت بعد ہمیشہ کے لئے چلے جانا ہے گھر سے ۔ ۔ ۔ اتنا دُور ۔ ۔ ۔

نہیں معلوم نئے ماحول میں ایڈجسٹ ہونے میں اسے آسانی ہو یا مشکل پیش آئے لیکن وہ کر لے گی۔ ابھی ہاسٹل میں فمزا کی اور امی کی آپس میں روزانہ دن میں کئی بار بات ہوتی تھی بات بات پر یہاں سے نمبر ملایا جا رہا ہے ورنہ وہاں سے فون پہ فون :) اب امی اسے فون کرنا کم کرتی جائیں گی تا کہ اسے یہاں کی یاد نہ آئے ۔ ۔ ۔ امی کہتی ہیں "ماں بننا آسان نہیں ہے ، ماں بنو تو پتہ چلے کتنا دل کو مضبوط کرنا پڑتا ہے" امی کا قدیمی بیان :) اب جب جب امی کی اور فمزا کی بات ہوا کرے گی تو یقیناً دونوں طرف سے سیاسی بیان فرمایا جائے گا :) شاید اس طرح سے ہو "ہاں ہم بہت خوش ہیں آپ کی یاد آتی تو ہے لیکن کم ! "

کل فمزا کے آتے ہی ہمارے ازلی جھگڑے اپنا اختتامی راؤنڈ طے کریں گے ۔ اور سب دن پلک جھپکتے میں گذر جائیں گے پتہ بھی نہیں چلے گا۔ ابھی تو میں سوچ رہی ہوں اس بار کچھ نہیں کہنا کچھ جھگڑا نہیں کرنا لیکن کیا پتہ کل اچانک ہی میری یا داشت اس معاملے میں دغا دے جائے :) اور ۔ ۔ ۔ :) سو کچھ بھروسہ نہیں ۔ آج امن سے بھی وعدہ کیا ہے کیا معلوم ایک آدھ دن میں وہ بھی بھول جاؤں :) ہر دو صورت میں مجھے دونوں (امن اور فمزا) سے کچھ ہمدردی باقی نہیں رہے گی ۔ ۔ ۔

آج کا دن مصرف گذرا صبح سے دوپہر تک ، پھر شام تک، پھر رات گئے تک، آج بہت سے کام کئے ۔ بہت سا وقت م س ن پر بھی۔ امن کا میسج ملا تھا۔ سو شام سے انتظار میں بیٹھ گئی۔ امن کی باتیں امن و امان والی بالکل بھی نہیں ہوتیں :) حمزہ صاب نے آرکیڈ پر گیمز کھیلے میرے اکاؤنٹ سے :) حجاب سے بہت تھوڑی دیر بات ہوئی۔ پھر میں اور بوچھی مل کر فرحت اور ماوراء کی باتیں سنیں :) آج بوچھی اور فرحت کو کیک پھر سے یاد‌ آ گئے وہ بھی اکٹھے دو دو

:)
دونوں سے ایک بار پھر تجدید عہد کرنا پڑا کیک کے بارے میں :) لیکن اب میں اس وعدہ کو بھول کر مٹھائی کا بندوبست کر لیا ہے کہ بالآخر امن کو عمر قید کی تاریخ سنا دی گئی ہے ۔ ۔ ۔ :) امن سے مٹھائی کا مطالبہ کیا تو جواب میں لاہور کی دعوت ملی کہ لاہور آ کے :) لیں جی اب مٹھائی کھانے لاہور جائیں ۔ ۔ ۔ امن کی خبر لینا پڑے گی تفصیل سے :) ابھی تو صرف مبارک باد ۔ ۔ ۔
!

15 دسمبر کو امن کا یومِ آزادی ہے

:) :) :) :)

امن کو یومِ آزادی مبارک ! امن کے لئے تو اس دن کا انتظار ایک سال پہلے ہی شروع ہو گیا تھا فمزا کا مقدمہ بھی اس دوران

برخاست ہوچکا ہے ۔ ۔ ۔ امن اور فمزا دونوں کو ایک ساتھ جانے کی سوجھی ہے !
مٹھائی کا انتظام میں یہیں کر لیا ہے

دونوں تو گئیں کام سے ۔ ۔ ۔

:)
میری شاپنگ اور تیاری رہ نہ جائے کہیں :)

:):)

ناراض دوست :)

2007-10-21T07:58:00.000-07:00

:-)ناراض دوست :-)

مان بھی نہیں رہا ۔۔۔ کیسے مناؤں ۔۔۔ !!

2007-10-13T21:30:00.000-07:00

عید تیاری

( 1 )

:) :) :)

لباس ۔ ۔ ۔ ۔ ۔ تیار
چوڑیاں ۔ ۔ ۔ ۔ ۔ موجود
مہندی ۔ ۔ ۔ ۔ اتنا اچھا لگ رہا ہے رنگ :)
ہیئر اسٹائل ۔ ۔ ۔ ۔ نیو !
کیوٹکس ، لپ اسٹک ۔ ۔ ۔ ۔ میچ !
شیر خُرما ۔ ۔ ۔ ۔ ۔ تیار :)
فمزا ۔ ۔ ۔ ۔ ہاسٹل سے گھر پہنچ چکی اور ہم دونوں کی خانہ جنگی چھڑ چکی !
ابو اور بھیا لوگ ۔ ۔ ۔ ۔ عید نماز جانے کی تیاری میں !
حمزہ سمیت تینوں شیطان کاکے اٹھ چکے :)

اوکے شگف تیار ہو جاؤ ۔ ۔ ۔ آج عید ہے !!!

×××××××××××××

یا اللہ

سب کو خوشیاں عطا فرما ۔ ۔ ۔ ان سب کو جنہیں تو نے خوشیاں دیں اور ان سب کو جنہیں تو نے غم سے آزمایا ۔۔۔ !!

2007-10-10T04:03:00.000-07:00

وَن لائنر

جو نام ہمارے لئے اہم ہوتے ہیں محترم ہوتے ہیں وہ ڈیزرو کرتے ہیں کہ انہیں کبھی کسی کٹہرے میں کھڑا نہیں کیا جائے ۔ ۔ ۔

رمضان کاؤنٹ

2007-09-22T03:33:00.000-07:00

رمضان کاؤنٹ

آج کل حضرت شیطان کی نظر بندی کے دن ہیں سوچا فرشتوں کو بھی حق ہو اور انہیں بھی رخصت ملنی چاہیے، لہٰذا کراما کاتبین سے خصوصی درخواست کی کہ کچھ آرام کرلیں ۔ ۔ ۔ رمضان کی چھٹیاں جہاں چاہیں گذاریں ، جس زمین پر ، جس آسمان پر، جس جہاں میں ، جس ستارے پر یا جس سیارے پر البتہ اُردو سیارہ پر جانے سے گریز فرمائیں۔۔۔

اور کچھ نہیں تو ستاروں پر کمندیں ہی ڈال آئیں ۔ ۔ ۔ کمند کا سنتے ہی گھبرا گئے۔ ۔ ۔ فرمایا گیا کہ کمندیں ڈالنا ہمارا کام نہیں ۔ ۔ ۔ یہ تو انسان نے ڈالنی ہوتی ہیں کہ کمند ڈالنے کے تمام فارمولے صرف حضرت انسان کے لئے ودیعت کیے گئے ہیں اگر وہ تلاش کر سکے ۔ ۔ ۔ ہمیں تو صرف کمندوں کا حساب رکھنا ہے کہ انسانوں نے کب کب ڈالیں اور کتنی ۔ ۔ ۔

فرشتوں کو یوں گھبراتے دیکھا تو کہا کہ اچھا ابھی تو جائیں ۔ ۔ ۔ واپسی پر ڈھونڈ رکھوں گی کچھ کمندیں ۔ ۔ لیکن یہ نہ کہنا کہ مسلم کمندیں ہیں یا غیر مسلم ۔ ۔ ۔ کیا فرشتے بھی مسلمان اور غیر مسلمان ہوتے ہیں؟

جانے کو راضی ہی نہیں تھے کسی کے کندھوں پر سے اترنا فرشتوں کو بھی نہیں بھاتا ہو گا یقینا ۔ ۔ ۔ بڑی مشکل سے سمجھایا کہ اب ماہِ رمضان میں شیطان تو ہے نہیں تو آپ کی بھی ضرورت نہیں ہے فی الحال ۔۔۔ ویسے بھی میں سحری کے فورا بعد سو جانا ہے پھر عین افطاری کے وقت اُٹھنا ہے اور افطاری سے مکمل انصاف کر کے پھر سو جانا ہے ۔ بولے نہیں ، یہ تو منظور نہیں کچھ کرنا ہوگا ۔ کیا کرنا ہوگا میں نے پوچھا ۔ جواب ملا عبادت کرنا ہوگی۔ سونا بھی تو عبادت ہے ۔ ۔ ۔ میں نے کہا۔ ۔ ۔ غیبت کرنا اور سننا دونوں سے انسان بچ جاتا ہے۔ فرشتوں کو اتنی آسان عبادت پسند نہ آئی فورا نماز پڑھنے کا سوال داغ دیا۔ ۔ ۔ فرشتوں کو انسان کی سمجھ ہوتی تو یہ سوال ہی نہ کریں خیر میں فورا جائے نماز بچھا دی ۔۔۔ یہ دیکھیں ایسے ۔۔۔
:)

ریا کاری کا اس سے بہترین موقع پھر کہاں مل سکتا۔... فرشتے خوش ہوگئے دیکھ کر ۔۔۔ انہیں معلوم ہی نہیں کہ یہاں میرا خُدا سے جھگڑا چلا کرتا ہے :)

جائے نماز دیکھ کر فرشتوں کو نماز کی جانب سے تسلی ہوئی تو مزید فرمائش جاری کر دی ۔۔۔کہ خاموش رہنا ہوگا ۔۔۔ ابھی تو میں بولتی نہیں ہوں اس پر بھی سب مجھے خاموش کروا دینا چاہتے ہیں :) فرشتوں کو راضی کرنے کے لئے ضروری تھا کہ خاموش رہا جائے ۔۔۔ سو آج کل میں خاموش ہوں ۔۔۔ اس خاموشی کا مطلب یہ نہ نکالا جائے کہ رمضان شروع ہوتے ہی مجھے بھی قید عطا کر دی گئی ہے جیسے ۔۔۔

نہیں جی میں آج کل آزاد ہوں ۔۔۔ !

اعمال نامہ کون پُر کرے گا فرشتوں کو سب سے زیادہ یہی پریشانی لاحق تھی انہیں تسلی کروائی کہ میں خود کروں گی اور کون ۔۔۔ اپنے اپنے رجسٹر جانے سے پہلے مجھے دے کے جائیں ۔ خُدا خُدا کر کے رخصت ہوئے ۔ اب رجسٹر دیکھے تو صرف دو ہی کالم ۔۔۔ ایک نیکی کا ۔۔۔ دوسرا برائی کا ۔۔۔ پسند نہیں آئے رجسٹر نہ ہی کالم ۔۔۔ لہٰذا میں نے دونوں رجسٹر دریا بُرد کر دیے ہیں اور خُدا کو نوٹ بھیجا ہے کہ اعمال نامہ اگر میرا ریکارڈ کیا جا رہا ہے تو فارمیٹ بھی میری ہی پسند کا ہونا چاہیے ۔ میں نیا فارمیٹ بنا کے بھیج رہی ہوں ۔۔۔ نئے فارمیٹ کے لئے ایک ہی رجسٹر کافی ہے بلکہ نہیں رجسٹر تو پرانی بات ہوئی فرشتے بچارے کب تک اسے سیاہ کرتے رہیں اب تو لیپ ٹاپ دیا جائے فرشتوں کو ۔ اور نیکی کا کالم غیر ضروری ہے اول تو میں کرنی نہیں نیکی ۔ ۔ ۔ اور اگر کوئی ہو بھی گئی تو وہ غلطی سے ہی ہوئی ہو گی تو ایسی نیکی کی کیا حقیقت جس کے بدلے میں جنت کا لالچ ہو ۔ ۔ ۔ باقی رہا فارمیٹ تو وہ اس طرح ہو ۔ ۔ ۔

غیبت کاؤنٹ = ۔۔۔۔۔۔۔۔۔۔۔۔۔۔۔۔۔۔۔۔

شکایت کاؤنٹ = ۔۔۔۔۔۔۔۔۔۔۔۔۔۔۔۔۔۔۔۔

فتوٰی کاؤنٹ = ۔۔۔۔۔۔۔۔۔۔۔۔۔۔۔۔۔۔۔۔۔۔

غصہ کاؤنٹ = ۔۔۔۔۔۔۔۔۔۔۔۔۔۔۔۔۔۔۔۔۔۔

دل آزاری کاؤنٹ = ۔۔۔۔۔۔۔۔۔۔۔۔۔۔۔۔۔۔

شو آف کاؤنٹ = ۔۔۔۔۔۔۔۔۔۔۔۔۔۔۔۔۔۔۔۔

نا شکری کاؤنٹ = ۔۔۔۔۔۔۔۔۔۔۔۔۔۔۔۔۔۔

سُستی کاؤنٹ = ۔۔۔۔۔۔۔۔۔۔۔۔۔۔۔۔۔۔۔۔

بے عملی کاؤنٹ = ۔۔۔۔۔۔۔۔۔۔۔۔۔۔۔۔۔۔

بے جا تنقید کاؤنٹ = ۔۔۔۔۔۔۔۔۔۔۔۔۔۔۔۔

۔۔۔۔۔۔۔ کاؤنٹ

۔۔۔۔۔۔۔ کاؤنٹ

(جاری ہے ۔ ۔ ۔)

ابھی نئے فارمیٹ میں شامل کرنے کے لئے کچھ تجرباتی گناہ کئے جانے ضروری ہیں ۔ ۔ ۔ جب فارمیٹ مکمل ہو جائے گا بھیج دیا جائے گا ۔ ۔ ۔

ٹیسٹ پوسٹ2

2007-09-20T11:03:00.000-07:00

ٹیسٹ پوسٹ

آزادی

2007-09-10T11:54:00.000-07:00

آزادی مبارک

شکر ہے امی کی واپسی ہو گئی اور اس واپسی کے ساتھ ہی میری آزادی بھی شروع ۔۔۔ امی نہ ہوں گھر میں تو نام نہاد ذمہ دار بننا پڑتا ہے ۔ ۔ ۔ امی گھر میں ہوں تو وائلڈ لائف

:)
میں آج سے آزاد ہوں :)

مردم شُماری

2007-08-19T07:56:00.000-07:00

مردم شُماری

لوگ بہادری سمجھتے ہیں۔۔۔

کسی کو بے وقوف بنانا
کسی کی دل آزاری کرنا
کسی کو دکھ پہنچانا
کسی کی تذلیل کردینا
کسی کو حقیر سمجھ لینا
دوسروں کے اعتماد کو ٹھیس پہنچا دینا
۔۔۔۔۔۔۔۔۔۔

۔۔۔۔۔
دنیا میں کتنے لوگ ہیں جو بہادر نہ ہوں ؟

لوگ بزدلی سمجھتے ہیں۔۔۔

کسی کو بے وقوف نہ بنانا
کسی کی دل آزاری نہ کرنا
کسی کو دکھ نہ پہنچانا
کسی کی تذلیل نہ کرنا
کسی کو حقیر نہ سمجھنا
دوسروں کے اعتماد کو ٹھیس نہ پہنچانا
۔۔۔۔۔۔۔۔۔

۔۔۔۔۔۔

کیا آپ بہادر ہیں :)
کیا آپ بُزدل ہیں :)

2007-08-12T19:32:00.000-07:00

کبھی کبھی

ایک چھوٹا سا قدم زندگی کو خوبصورت بنا دیتا ہے !

یہ چھوٹا سا قدم اٹھتے رہنا چاہیے۔۔۔

2007-07-22T22:02:00.000-07:00

گھر سے چیدہ چیدہ

فمزا کی زندگی کا ایک اہم فیصلہ ہونے جا رہا ہے

آج میں خوش ہوں

مہمان رحمت ہوتے ہیں

اسلام کی جیت ہوگئی مسلک کے سامنے

تفصیلات بعد میں۔۔۔

2007-07-08T21:15:00.000-07:00

مایا مائی فرینڈ

مایا سے میری پہلی ملاقات میں میرا اپنا کوئی عمل دخل نہیں تھا، بلکہ بعد کی سب ملاقاتوں میں بھی نہیں۔ بس اتفاق سے ہی ہوئی تھی پہلی ملاقات۔ مایا بہت اچھی ہے اس کے مجھ پر کئی احسان۔۔۔ مایا ہی کی وجہ سے میں انٹر نیٹ کی دنیا میں داخل ہوئی۔۔۔نہیں۔۔۔ بلکہ انٹرنیٹ کی دنیا میں رُک گئی یوں کہنا بہتر۔۔۔ ورنہ اپنے اسائنمنٹس، پریزینٹیشنز اور آئے دن کی ورکشاپس کی تیاری کے لئے براؤزنگ کرنے سے ہی فرصت نہیں تھی۔ بھاگتے دوڑتے جو کچھ ہاتھ لگا، لیا، پرنٹ نکالا اور بس۔ انٹرنیٹ کیا ہے اس کے علاوہ کچھ نہیں معلوم تھا۔ مایا سے ملنے کے بعد مجھے سائبر ورلڈ کی ایک مختلف صورت ملی۔۔۔ پہلے مجھے صرف خیال ہوتا تھا وہ بھی سوال کی صورت کہ کیا اس دنیا میں سچ ہوگا۔۔۔ کیا کہیں سچے لوگ بھی ہوں گے۔ عام زندگی میں بھی اگر سچ دکھائی نہ دے تو سب کچھ بے معنی لگنے لگتا ہے۔ مایا میرے لئے سائبر ورلڈ میں پہلا سچ ہے۔۔۔ مایا کے ساتھ سفر کرتے ہوئے مجھے کئی سچے چہرے دکھائی دئے ۔۔۔ یہ سب انسان ہیں مذہب، مسلک ، عقیدہ ، قومیت، جنس، نظریات، سیاست، خودستائی، ۔۔۔ ان سب سے بالاتر۔۔۔ صرف انسان۔۔۔ بے غرض۔۔۔ پُر خلوص۔۔۔ بغیر کسی منفعت کے دوسروں کی مدد اور رہنمائی کا جذبہ رکھنے والے۔۔۔ مجھے انٹرنیٹ کی دنیا میں پہلے قدم پر سچ نظر آیا۔۔۔ اب اس دنیا میں کتنا جھوٹ ہے یہ مجھے نہیں جاننا۔۔۔ نہ ہی اس کی پرواہ ہے۔۔۔ مجھے سچ کی تلاش تھی کہیں بھی ہو اور سچ بہر حال موجود ہے۔۔۔ اگر باقی سب کچھ جھوٹ ہو اور صرف ایک ہی چہرہ ایک ہی نام سچ ہو تو یہی جاننا کافی۔

میں مایا کی احسان مند ہوں۔۔۔ پر مایا کو بہت جلدی ہر بات کی۔۔۔ بہت تیزی اس میں۔۔۔ بہت جلد دل میں گھر کر لینے والی۔۔۔ اور اس کی مسکراہٹ پیاری سی۔۔۔ اور اس کی باتیں۔۔۔ اور اس کی معصوم دل موہ لینے والی حرکتیں۔۔۔ بہت جلد توجہ حاصل کر لینے والی۔۔۔ مجھے اس سے صرف ایک شکایت ہے کہ میری اور مایا کی پہلی ملاقات جس دن ہوئی اسے دنیا چھوڑے چند ماہ گذر چکے تھے۔۔۔ مایا نے زندگی کو بہت اچھی طرح برتا صرف دو سے ڈھائی سال کا پیمانہ تھا اس کے پاس زندگی کا جس میں اسے خوش رہنا تھا۔۔۔ وہ خوش رہی۔۔۔ پھر اسے جانا تھا وہ چلی گئی۔۔۔ میں بے اعتبار ٹھہری۔۔۔ میری صلاحیت خام تھی یقیناً جو مایا کے برعکس مجھے وسیع پیمانہ دے دیا گیا ہے خوش رہنے کے لئے۔۔۔ بس یہی ایک قدر ہم دونوں میں اگرچہ مشترک نہیں۔۔۔

مایا کا funeral ایسا تھا جیسے لاڈلی و اکلوتی شہزادی کی سالگرہ۔۔۔ مایا بہت پیاری لگ رہی تھی۔

پہلی ملاقات پر میری آنکھیں دھندلی ہوگئی تھیں مایا کے لئے۔۔۔ لیکن آج نہیں۔۔۔ آج مجھے مایا یاد آ رہی ہے۔۔۔

ٹوئنٹی منٹس ڈرائیو

2007-06-25T21:35:00.000-07:00

ٹوئنٹی منٹس ڈرائیو

" شکفتہ بی بی آپ کے بھائی لینے آ گئے ہیں" دستک کے بعد ذرا سا درازہ کھلا ہی تھا کہ تپش کی شدید لہر اور اس کے عقب میں رحمت کا چہرہ نمودار ہوا۔ رحمت کی آواز گویا میرے لئے آزادی کا پروانہ تھی۔ بھوک اور تھکن دونوں نے فریاد بلند کی کہ سب کچھ جہاں ہے کی بنیاد پر چھوڑ کے نکلنا چاہئے۔ بکھری میز کو سمیٹنے اور کمپیوٹر کو خاموش کرنے میں اگر میں جلدی بھی کرتی تو دومنٹ کہیں نہیں گئے تھے اور اس کا مطلب یہ کہ گھر تک پہنچنے میں ابھی کم از کم 22 منٹ ہیں۔

رحمت اطلاع دے کر واپس جا چکا تھا۔۔۔ اس کی عادت ہے وہ کمرے میں اندر نہیں آتا بس دروازے سے ہی دستک دے کر بات کر لیتا ہے پھر وہیں سے واپس ہو جاتا ہے۔ ابھی بھی وہ داخل نہیں ہوا تھا۔ اطلاع دے کر وہیں سے پلٹ گیا تھا لیکن تپش کی جو لہر اندر داخل ہوئی تھی وہ اندر ہی رہ گئی تھی میری سوچ میں سوال اٹھانے کو۔۔۔ ایسے سوال جن کا جواب صرف انسانیت کے دائرے میں آتا ہے اور وہی انسانی معاشرے میں نہیں موجود۔۔۔ انسان دنیا میں کتنے ہیں؟

بکھری میز کو سمیٹنا میری ذمہ داری نہیں لیکن آپا کے چہرے پر اتنی تھکن ہوتی ہے کہ میں خود ہی یہ کام کرلیا کروں۔۔۔ میں دو منٹوں کو دو سے تقسیم کیا جواب آیا ایک۔۔۔ میں ایک منٹ لگایا، فائیلیں واپس سجائیں، سسٹم خاموش کیا فالتو کاغذ ڈسٹ بن میں، گلاس میں تھوڑا سا پانی رہ گیا تھا پیا اور پرس اٹھایا دروازہ کھول باہر قدم رکھا ہی تھا کہ جہنمی تپش باہر جیسے استقبال کو منتظر۔ رحمت گیٹ سے کچھ فاصلے پر بیٹھا ہوا تھا، دھوپ میں گلتا سڑتا۔۔۔ اپنی تقدیر کا پزل مکمل کرتا ہوا۔۔۔مجھے خدا سے شکوہ ہوا۔ اس نے انسانوں کو انسان کا ہی غلام بنانے سے کیوں نہیں روکا۔ اس سے پہلے کہ وہ گیٹ کھولنے کے لئے اُٹھتا میں گیٹ کی جانب قدم بڑھا دئے

میرا بس نہیں چل رہا تھا کہ پلک جھپکتے میں گھر پہنچ جاؤں۔ روزانہ کے برعکس آج یہ وقت گذارنا کچھ مشکل لگ رہا تھا تھکن اور بھوک کے سبب۔۔۔پھر سوچا کہ آج باہر کی دنیا دیکھی جائے ورنہ فمزا کا خیال یہی ہے کہ مجھے دنیا سے کوئی نہیں سروکار چاہے کچھ بھی ہوتا رہے۔ روازنہ اسی وقت گھر آتے ہوئے میں اپنی ہی دنیا میں مگن ہوتی ہوں۔۔۔ مجھے ساری آمد اسی وقت ہونی۔۔۔ یوں میں اپنے اندر کی دنیا سے ابھی باہر ہی نہیں نکل پاتی کہ گھر سامنے آجاتا۔

میں ادھر ادھر دیکھنا شروع کیا۔۔۔ اتنے عرصے میں دنیا میں کوئی تبدیلی نہیں آئی تھی سب کچھ ویسا ہی۔ مجھے کچھ دلچسپی نہیں محسوس ہوئی۔۔۔ اب کیا کرنا چاہیے کیسے وقت گذارا جائے۔۔۔ اسی اُدھیڑبن میں دس منٹ تو کم ہو چکے تھے اب صرف دس منٹ کا سفر باقی تھا۔۔۔کچھ اطمینان ہوا۔۔۔ میں پھر نظر اٹھائی۔۔۔ یہ اس بڑے شہر کی ایک مشہور و معروف چورنگی ہے۔۔۔ کبھی کبھی ہی یہاں ٹریفک سگنل کُھلا ملتا ہے ورنہ کچھ دیر انتظار میں یہاں رُکنا پڑتا ہے جب تک کہ سگنل کھل جائے۔ اور آج اتفاق سے سگنل کھلا تھا یعنی رُکنا نہیں پڑا۔۔۔ لیکن اچانک گذرتے ہوئے میری نظر اس لڑکے پر پڑی۔۔۔کالا بھجنگ۔۔۔ دبلا پتلا۔۔۔کڑکتی دوپہر میں کھلے آسمان تلے وہ اس اُجلی چورنگی کے اُجلے پس منظر میں اپنی چمکتی سیاہ رنگت کی بدولت خوب نمایاں تھا۔۔۔ لباس کے نام پر اس کے جسم پر اگر کچھ تھا تو وہ ایک عدد پھٹی پرانی میلی قمیض جسے وہ پہنے ہوئے نہیں تھا بلکہ عجیب طرح سے اپنے گرد لپیٹی ہوئی تھی جسم کو چھپانے کے لئے

وہ ایک ہاتھ سے اس قمیض کو مضبوطی سے پکڑے ہوئے تھا اوردوسرا ہاتھ وہ اُٹھا لیتا تھا مانگنے کے انداز میں جب کوئی اس کے قریب سے گذرتا۔۔۔

ہم چشمِ زدن میں آگے نکل چکے تھے۔۔۔کالا بھجنگ پیچھے رہ گیا تھا لیکن مجھے اپنی وارڈ روب اچانک بے معنی لگنے لگی۔۔۔ ابھی صبح ہی تو میں امی سے مزید نئے کپڑوں کی فرمائش کی تھی

میں اپنی توجہ درختوں کی جانب مرکوز کرنے کی کوشش کی۔ اگلی چورنگی آنے سے ایک اسٹاپ پہلے نظر ان افراد پر پڑی جو بس کے انتظار میں تھے لیکن ایک عجیب بات ہوئی ایک خاتون بس کی جانب بڑھنے کے لئے قدم اٹھایا ہی تھا کہ اچانک سڑک پر گر گئیں لوگ بس پر چڑھنے میں مگن اور وہ سڑک پر گری ہوئی۔۔۔ پہلے تو مجھے سمجھ نہیں آیا کہ یہ ہوا کیا ہے اور پھر جب کچھ سمجھ میں آیا تو وہ خاتون کافی پیچھے رہ گئی تھیں۔۔۔ میرا دل چاہا بھیا سے رکنے کو کہوں لیکن فاصلہ بڑھتا ہی جا رہا تھا۔۔۔
باہر کی دنیا دیکھنے کو اب دل نہیں چاہ رہا تھا۔۔۔ میں درختوں میں گم ہونا چاہا۔۔۔ فٹ پاتھ کے کنارے لائن میں تھوڑے تھوڑے فاصلے پر سجے سب درخت اپنی قدوقامت پر مغرور جھول رہے تھے، مجھے سب سے خوبصورت درخت دیکھنے کی جُستجو ہوئی اور وہ بھی جلد ہی نظر آگیا۔ بہت بلند شاخیں ہرے بھرے پتوں سے شاداں و فرحاں اس طرح پھیلی ہوئی تھیں جیسے کسی نے پیمائش ناپ کے ایک مکمل جیومیٹری ترتیب دے ڈالی ہو، مجھے بہت خوشی ہوئی یہ حسن دیکھ کر۔۔۔ میری نظریں درخت کی بلندیوں کو چھوتی نیچے آنے لگیں۔۔۔ پر نیچے پہنچتے ہی میری خوشی اور اس قدرتی حسن دونوں کو گرہن لگ گیا۔۔۔ نجانے کس نے فٹ پاتھ پر درخت کے تنے کے ساتھ ہی گلے سڑے پھل بہت زیادہ تعداد میں اور آدھی دیگ برابر سڑی ہوئی بریانی پھینک دی تھی۔۔۔ حالانکہ ایک صاف ستھرا بھائیں بھائیں کرتا کچرادان تھوڑے ہی فاصلے پر موجود تھا۔۔۔وہ شاید اس لئے اب تک صاف تھا کہ استعمال نہیں ہوتا تھا۔۔۔ ایک آٹھ نو سالہ بچہ اپنی چھوٹی بہن کو لئے دونوں اس سڑاند سے اپنے پیٹ میں ڈالنے کے لئے کچھ ڈھونڈ رہے تھے

میری بھوک ختم ہونے لگی، مجھے لگا جیسے اب کبھی بھی کچھ نہیں کھایا جاسکتا۔۔۔ بھوک مٹتی چلی گئی اور وہ دونوں بہن بھائی دو نقطوں میں تبدیل ہوتے گئے۔۔۔ ہم پھر آگے نکل چکے تھے۔۔۔

مجھے بے اختیار خواہش ہوئی کہ کچھ مختلف دیکھوں۔۔۔ کچھ ایسا مختلف جو ابھی تک کی ان تکلیف دہ باتوں سے ہٹ کر ہو۔۔۔جو خوشی دے سکے۔۔۔ مجھے ایک بار پھر نظریں اٹھانی تھیں لیکن کچھ بھی ایسا نہیں نظر آیا۔۔۔ اس یک طرفہ سڑک پر گاڑیاں ہی گاڑیاں تھیں اور سب گاڑیاں اپنی تیزرفتاری سے آگے بڑھ رہی تھیں آگے ہی آگے۔۔۔ اور آگے۔۔۔ آور آگے بس بڑھتے جانا، بڑھتے جانا۔۔۔ ہم سب جلدی میں ہیں۔۔۔ میں ادھر ادھر دیکھنا بند کر دیا اور گھڑی پر نظر ڈالی۔۔۔ کچھ اور فاصلہ کم ہو چکا تھا، اب صرف پانچ منٹ باقی رہ گئے تھے جب وہ شادی شدہ جوڑا سامنے آگیا۔ دونوں خوش نظر آرہے تھے اور اچھے لگ رہے تھے۔۔۔ کیا یہ دونوں لڑتے بھی ہوں گے مجھے الٹا خیال سوجھا لیکن تب شاید یہ دونوں اتنے اچھے نہ لگیں جیسے ابھی اس خوشی کے عالم میں لگ رہے ہیں، میں پھر انھیں دیکھا۔۔۔ لیکن وہ دونوں تو ایک تین پہیوں والی سائیکل پر سوار تھے۔ ایسی سائیکلوں پر اس سے پہلے میں چلنے پھرنے سے معذور مردوں کو ہی سوار دیکھا تھا۔ آج پہلی بار دیکھا کہ میاں بیوی دونوں ایسی سائیکل پر سوار تھے۔۔۔ بیوی معذور نہیں تھی یہ سائکل اس کے شوہر کی تھی جسے وہ اپنے ہاتھوں سے چلا رہا تھا نہیں معلوم اس کی دونوں ٹانگیں نہیں تھیں یا پھر ایک۔۔۔ وہ اس طرح بیٹھا تھا کہ پتہ نہیں چل سکا۔۔۔ آج ضرور دونوں نے ڈیٹ پر جانے کا فیصلہ کیا تھا :) مجھے ہنسی آ گئی، اچھا ہے دونوں کو ڈیٹ پر تو ضرور ہی جانا چاہیے :) زندگی ان کے لئے ایک ہی وقت میں خوبصورت زیادہ تھی یا بدصورت۔۔۔ اگر یہ شخص اس سائیکل کا محتاج نہ ہوتا تو کیا اس وقت اس سے زیادہ خوش نظر آسکتا تھا جتنا کہ ابھی اس وقت خوش نظر آرہا تھا۔۔۔ میں اپنے سوالوں کو بریک لگائی دکھ بڑھ رہا تھا۔ میں کچھ مختلف دیکھنا چاہ رہی تھی، میں مختلف ہی دیکھا تھا۔۔۔ لیکن میں نہیں جانتی تھی کہ کچھ مختلف دیکھنے کی خواہش رکھنے کی قیمت ایسی بھی ہوسکتی ہے

اب صرف دو منٹ رہ گئے تھے گھر پہنچنے میں۔۔۔ آج میں باہر کی دنیا میں رہنے کا ارادہ کیا تھا فمزا کو بتانے کے لئے کہ میں بیرونی دنیا دیکھی۔۔۔ لیکن ان چند منٹوں نے مجھ سے بہت کچھ چھیننے کی کوشش کی تھی، اور چھین کے لے جا رہے تھے۔۔۔ مجھے باہر کی دنیا دیکھ کر خوشی نہیں ہوئی تھی میں دکھی ہوگئی تھی، مجھے لگ رہا تھا بس ایک بے بسی ہے ہر جانب اور سب لوگ بے بس۔ مجھے دنیا سے بیزاری ہو رہی تھی۔ مجھے آئندہ سب زندگی سے بیزاری ہو رہی تھی، کچھ بھی اچھا نہیں تھا، نہ کچھ کھانے کو دل باقی رہا تھا نہ نئے لباس کو اور نہ ہی کبھی خوش ہونے کو۔ ایک مستقل رہبانیت اگلے قدم پر میری منتظر تھی۔۔۔ خدا نے سب کو بس چھوڑ دیا ہے ہر جانب مسائل ہیں۔ اس سے پہلے کہ میرا ایمان سوال کی شکل اختیار کرتا میرے پاس صرف دومنٹ باقی تھے مجھے خدا پر اپنے ایمان کو سوال بننے سے روکنا تھا۔۔۔ مجھے ان دومنٹوں میں کوئی امید کی کرن تلاشنا تھی۔ کچھ تھا جو نظر انداز ہوا تھا۔۔۔ شاید۔۔۔ کہیں کچھ کمی رہ گئی تھی۔۔۔ لیکن کیا۔۔۔ اور۔۔۔ کہاں۔۔۔؟؟

میں اپنا سفر اٹھارہ منٹ پیچھے سے دوبارہ سے شروع کیا۔۔۔

اٹھارہ منٹ پہلے میں رحمت کو خدا حافظ کہا تھا۔ رحمت اپنی تقدیر کا پزل مکمل کر رہا ہے دھوپ کی شدت میں ہر روز گلتے سڑتے ہوئے۔ اور جب یہ پزل مکمل ہوچکا ہوگا تو تب موت کا فرشتہ بلا تاخیر دستک دے دے گا۔ رحمت دنیا سے چلا جائے گا لیکن اس کے بچے جو آج علم حاصل کر رہے ہیں وہ اپنی اپنی تقدیر کے پزل مکمل کرتے ہوئے اس طرح گلنے سڑنے سے ضرور خود کو بچا سکیں گے۔۔۔ ممکن ہے وہ کوئی ایسی علمی جہت ڈھونڈ نکالیں جس کی بنا پر انسان اپنا قد بلند کر سکے۔ پھر یقیناً کئی رحمت گلنے سڑنے سے بچ جائیں گے۔

یہ صرف ایک امید تھی۔۔۔ میری تسلی نہیں ہوئی۔۔۔ میں آگے بڑھ گئی۔۔۔ سامنے ہی کالا بھجنگ لڑکا بے لباس بیٹھا ہوا تھا اور رواں دواں گاڑیوں کا ہجوم اور سُوٹڈ بُوٹڈ گذرتے لوگ، کسی کو اسے دیکھنے کی فرصت نہیں تھی۔ تبھی یاد داشت کی اسکرین پر ایک چھوٹا سا بچہ اُبھر آیا جو بڑے سائز کے چند تولئے اُٹھائے اس چورنگی پر بیچتا روز نظر آتا تھا۔ وہ بچہ اس بے لباس کی جانب اپنا سب سے بڑے سائز کا تولیہ لئے بڑھ رہا تھا اسے بغیر کسی قیمت دینے کے لئے۔

یہ تولیہ آخر کیا کر سکتا ہے۔۔۔ کچھ دھوپ سے بچائے گا، کچھ پسینہ صاف کرنے کے کام آئے گا اور باقی اس کا جسم کچھ مزید ڈھک جائے گا۔۔۔ مجھے اپنی وارڈ روب میں کچھ کشش سی محسوس ہوئی، میرے کئی سوٹ بہت خوبصورت ہیں۔۔۔ مجھے یاد آیا !
ابھی میں اپنی وارڈ روب سے نظر ہٹائی ہی تھی کہ اس اسٹاپ پر اچانک ایک خاتون گرتی دکھائی دیں جو اپنی مطلوبہ بس کی جانب بڑھنے لگی تھیں۔۔۔ وہ گری ہوئی تھیں سڑک پر جبکہ لوگ بس پر چڑھنے کی کوشش میں مصروف تھے۔ لیکن اسی بس سے ایک لڑکی اور ایک لڑکا نہیں معلوم بہن بھائی تھے یا کلاس فیلوز دونوں کے ہاتھوں میں کتابیں تھیں فوراً ہی نیچے اُترے تھے اور گری ہوئی ہوئی خاتون کی جانب بڑھ رہے تھے مدد کے لئے

مجھے لگا زندگی خوبصورت ہے۔۔۔ فٹ پاتھ پر لگے سب جھومتے درختوں نے میرا خیال پڑھ لیا۔۔۔
پھر اس سب سے زیادہ خوبصورت درخت نے مجھے آواز دی۔۔۔ میں اس کی آواز پر توجہ نہیں کی۔۔۔ میں اُس راہگیر کی جانب دیکھنے لگی جس کے ہاتھ میں بریانی کی ایک تھیلی تھی۔ یہ تھیلی اس نے اپنے لئے خریدی ہوگی لیکن یہ تھیلی اس نے ان دونوں چھوٹے بچوں کو تھما دی۔

میں بھی آج فرمائش کی ہوئی تھی گھر میں کہ دوپہر کے مینیو میں بریانی رکھی جائے۔۔۔ میری بُھوک پہلے سے زیادہ چمک اُٹھی !
تھوڑا آگے وہ دونوں میاں بیوی ڈیٹ پر پہنچنے ہی والے تھے ویسے ہی خوش اور اپنی خوشی میں سرشار ، مگن۔۔۔ اگر یہ دونوں ابھی اسی وقت کسی بات پر لڑنا شروع کر دیں تو کیسے لگیں گے۔۔۔ مجھے پھر ہنسی آ گئی اپنی احمقانہ سوچ پر۔۔۔ بقول فمزا مجھے کبھی سیدھی بات نہیں سوجھتی جب بھی سوجھتا ہے اُلٹا ہی سوجھتا ہے۔

ہم لوگ اب مین روڈ سے سروس روڈ پر مڑ چکے تھے کہ میری نظر اس درخت پر ٹھہر گئی۔ یوکلپٹس کے اس درخت کا تنا مین روڈ اور سروس روڈ کے درمیان موجود کئی فٹ چوڑے خلا کے ایک کنارے سے شروع ہوا تھا اور ایک پُل کی شکل میں سفر کرتا خلا کے دوسرے کنارے تک پہنچ کے زمین میں دھنس گیا تھا یہ پُل ایک آرک کی صورت خلا کے دونوں کناروں پر تن گیا تھا اور اس پُل پر دو یا تین تین فٹ کے فاصلے پر ایک ساتھ تقریباً ایک جیسی شکل کے تین تنے نکل کر سیدھے اُوپر چلے گئے تھے اور یہ تینوں الگ الگ ایک مکمل درخت کی شکل اس خلا پر موجود تھے۔ یہ منظر بہت خوبصورت تھا میں گذشتہ کئی سالوں سے اس جگہ سے ہر روز دن میں کم از کم دو بار ضرور یہاں سے گذرتی ہوں لیکن میں آج پہلی بار اسے دیکھا تھا۔ یہ آرک نما پُل قدرت کی شاندار صناعی تھی۔۔۔ یہ ایک دو دن میں وجود میں نہیں آئی تھی پھر میری نظر کیوں اس سے پہلے نہیں پڑی اس پر
!

سرسری تم جہاں سے گذرے

ورنہ ہر جا جہانِ دیگر تھا

ایسا ہی ہوتا ہے ہم سرسری لیتے ہیں حقائق کو، زندگی کو۔۔۔ ہمارا مشاہدہ ادھورا رہتا ہے، ہمارا تجربہ خام، ہماری سوچ محدود اور ہمارا عمل محدود تر۔۔۔ ہم جلد مایوس ہو جاتے ہیں پھر ہم راہب بن جاتے ہیں، زندگی سے فرار اور حقائق سے نظر چراتے ہیں۔۔۔ دراصل ہم زندگی کی خوبصورتی میں اپنا حصہ ڈالنے سے ہاتھ اُٹھا لیتے ہیں۔ ہم تنقید کرنے لگ جاتے ہیں اپنے ہی جیسے لوگوں پر، ماحول پر، مسائل پر۔۔۔ ایسا کرتے ہوئے ہم اپنے آس پاس ان چند خوبصورت ناموں کو نظر انداز کر رہے ہوتے ہیں جو جیسے بھی بن پڑے زندگی کی تعمیر میں مشغول رہتے ہیں ۔ تنقید بے عمل ہو تو بصیرت پر پردہ بن کے گرتی ہے پھر خوبصورتی سامنے موجود تو ہوتی ہے لیکن نظر نہیں آتی۔

نہیں مجھے رہبانیت نہیں چاہیے۔۔۔گھر سامنے تھا۔۔۔ میں گھر میں داخل ہوئی۔۔۔ اپنے کمرے میں پہنچتے ہی میں پرس اُچھال کے دُور پھینکا۔۔۔ امی میرا بُھوک سے بُرا حال ہے۔۔۔کا نعرہ لگایا۔۔۔وارڈ روب کھولی اس میں ہینگر پر موجود سب ہی میرے سوٹ خوبصورت تھے۔۔۔ اور میں امی کو یہی یقین دلانا تھا کہ ابھی بھی میری وارڈ روب میں جگہ خالی ہے

میں بیس منٹ سفر کا آغاز خدا سے شکوہ کے ساتھ شروع کیا تھا، اس نے خاموشی اختیار کی۔۔۔ دسویں منٹ پر میں خدا سے دوسرا جھگڑا کیا اس نے جواب نہیں دیا۔۔۔ پندرھویں منٹ پر میرا شکوہ مایوسی میں تبدیل ہونے لگا۔۔۔ میں خدا سے بات کرنا چھوڑ دی۔۔۔ اٹھارویں منٹ پر میں خدا کو دھمکی دے دی کہ اب میں خود کچھ نہیں کرنا۔۔۔ اسے جو بھی کرنا ہے کر لے، میں بات نہیں کرنی اس سے۔۔۔ مجھے دو منٹ ختم ہونے سے پہلے پہلے فیصلہ چاہیے۔۔۔ اب فیصلہ مجھے نہیں خود خدا کو کرنا تھا۔۔۔ اسے کرنا پڑا

کیا آپ کو خدا سے جھگڑا کرنا آتا ہے ؟

ایک منٹ۔۔۔ پتہ ہے کیا۔۔۔ خدا پر یقین باقی رکھنا اور اس یقین کی حفاظت بھی دراصل میرے بس کی بات نہیں اس کے لئے بھی خدا کے آگے ہاتھ پھیلانا پڑتا ہے۔۔۔ بس تو پھر خود کو پریشان کرنے کی کیا ضرورت۔۔۔ خدا کو ٹف ٹائم دیتے رہیں۔۔۔ وہ ہے ناں۔۔۔!!

تیست پوست

2007-06-14T08:32:00.000-07:00

دیسک شلوغی شکفتے

وین آپا

2007-06-06T16:19:00.000-07:00

وین آپا

میں اس وقت جاگ رہی ہوں۔ صبح جب وین آپا کام پر آئیں گی تو انہیں معلوم ہوگا کہ انھیں فائر کر دیا گیا ہے۔ پھر ان کی پہلے سے ہی مشکل زندگی مزید مشکل ہو جانی ہے۔ ان کے بچے جو تین میں سے ایک وقت کا کھانا پہلے ہی نہیں کھاتے تھے اب چوبیس گھنٹوں میں صرف ایک وقت کھانے کی شکل دیکھ پائیں شاید۔۔۔ یا شاید کسی دن وہ بھی نہیں۔

وین آپا ڈومیسٹک اسٹاف میں سے ہیں اور وین آپا کا قصہ صرف دو کل پر مشتمل ہے ایک گذری ہوئی کل اور ایک آنے والی کل۔ آنے والی کل میں انھیں گذری ہوئی کل کا نتیجہ سنایا جانا ہے۔ گذری ہوئی کل میں ان کے تھیلے میں گھر جاتے وقت جو چیزیں نہیں ہونا چاہییں تھیں ان میں ایک فینائل کی بوتل، ایک پلاسٹک کی بوتل جس میں ایک گلاس برابر دودھ تھا، ایک سرف کا ادھ کھلا پیکٹ اور ایک پرانا کائی زدہ کھڑکی کا پردہ جو کسی بھی ایلیٹ کلاس کھڑکی کی رونق بننے کی صلاحیت سے ہمیشہ ہمیشہ کے لئے محروم ہوچکا ہے۔ وین آپا کے گھر میں بلکتی بھوک اور سسکتی زندگی کا انتخاب یہی چار چیزیں تھیں جو کل چوکیدار کی نشاندہی پر کی جانے تلاشی میں اچانک عریاں ہوگئیں۔ وین آپا سے یہ چیزیں لے لی گئیں اور خوفزدہ وین آپا کے لئے آج تمام دن برزخ تھا کل یہ برزخ ختم اور سزا سنا دی جائے گی۔ وین آپا کی بے چوکھٹ کھڑکی کے نصیب میں کائی زدہ پردہ نہیں تھا۔ اور نہ ہی پلاسٹک کی اس بوتل میں موجود ایک گلاس دودھ کے نصیب میں تھا کہ وہ وین آپا کے کسی بچے کے جسم میں موجود ہڈیوں اور ان ہڈیوں پر چپکی کھال کے درمیان توانائی کی کوئی خلیج پیدا کرسکتا۔ نہ ہی وین آپا کے پاس کوئی ایسا سوٹ جو اس مہنگے سرف میں دھلنے کے لائق ہو۔ گھر میں فرش بھی نہیں کہ فینائل کے مغرور قطرے اسے چمکا سکیں۔ پھر وین آپا نے بڑے سے تھیلے میں یہ چار اشیاء اپنی بدبختی سمیت کیوں کر سما دیں !

اور آنے والی کل فیصلہ سنانے والوں کے پاس اتنی فرصت نہیں کہ اس سوال کا جواب تلاش کریں !

گذری کل میں صرف ایک کو بچایا جا سکتا تھا۔۔۔ وین آپا کو یا پھر چوکیدار کو۔ اگر وین آپا اپنا بڑا سا تھیلا لے کر گھر چلی جاتیں تو ضرور بچ جاتیں لیکن پھر یہی جُرم (نا کردہ) چوکیدار کے کھاتے لکھا جانا تھا۔ وین آپا اگر سزا پائیں تو پائیں لیکن ان کے بچوں کا کیا جُرم کہ وہ بھی سزا پائیں ؟

مسئلہ

2007-06-03T19:29:00.000-07:00

مسئلہ

معاف کیجئےگا۔۔۔ ذرا ادھر دیکھیں۔۔۔ کیا آپ پریشان ہیں؟ ضرور آپ کا موڈ اچھا نہیں آج۔۔۔ ھمم۔۔۔ لیکن آخر بات ہے کیا جو یہ بارہ کی سوئی کافی وقت سے آگے نہیں بڑھی :) ۔۔۔ جی۔۔۔ اچھا اچھا۔۔۔ ضرور کسی دوست سے ناراضگی ہو گئی ہے۔۔۔ جی۔۔۔ کیا۔۔۔ کسی ایک سے نہیں سب سے !! لیکن کیوں۔۔۔ اچھا تو یہ بات ہے۔۔۔ بہت دنوں سے آپ کے کسی دوست نے آپ کی کوئی خبر ہی نہیں لی، آپ کا حال نہیں پوچھا نہ کوئی فون، نہ کوئی ای میل۔۔۔ ھمم۔۔۔ یہ تو واقعی ناانصافی کی بات ہے بلکہ سرارس زیادتی ہے آپ کے ساتھ۔۔۔ آپ کے دوستوں نے اچھا نہیں کیا۔۔۔ اچھا کیا آپ کے پاس فون ہے؟ ۔۔۔اچھااچھا۔۔۔ تین سیل فون ہیں آپ کے پاس لینڈ لائن کے علاوہ۔۔۔ اور تینوں میں بیلنس بھی کافی تگڑا موجود ہے۔۔۔ ای میل باکس بھی روز دیکھنے میں وقت گذرتا ہے۔۔۔ تو بس ٹھیک ہے۔۔۔ فون کرنا شروع کر دیں آج آپ اپنے سب دوستوں کو فون کر ڈالیں جن سے بہت دن ہوئے بات نہیں ہوئی اور جنھوں نے بہت دن ہوئے آپ کو یاد نہیں کیا۔۔۔ آج بس یہی کام کرنا ہے آپ نے۔۔۔ اور آج ای میلز بھی بھیجنی ہیں۔۔۔ بھولنا نہیں ہے۔۔۔ !!

2007-03-09T07:40:00.000-08:00

راستے

"ایکسکیوز می میڈم ! کیا کوئی ایسی وجہ ہوسکتی ہے جس کے سبب خود کشی کرنا حرام نہ ہو؟" میں ڈیپارٹمنٹ میں اپنی سیٹ پر آنکھیں بند کئے بیٹھی تھی جب یہ آواز میرے کانوں سے ٹکرائی۔۔۔۔

سازش

2006-07-08T09:17:00.000-07:00

سازش

یونیورسٹی کے آخری دو سالوں میں میرے چاروں سمسٹر روتے گذرے جس کی وجہ ہمارے گھر میں غیر ضروری جمہوریت کا پایا جانا ہے

۔ اس عوامی جمہوریہ میں جسے میں اپنا گھر کہنے کی مرتکب ہوتی ہوں، اپنا کمرہ مجھے سب کچھ لگتا ہے سوائے اپنے کمرے کے ، اس کمرے میں کسی کو کوئی مشکل پیش نہیں آ سکتی سوائے میرے ۔ یہاں خاموش رہنے کو کوئی تیار نہیں سوائے میرے ، یہاں باتیں کرنے پر کوئی پابندی نہیں لگ سکتی کہ جمہوریت کا راج ہے ۔ مہمان ، بچے، ریڈیو ، ٹی وی ، باتیں ، ضروری باتیں ، غیر ضروری باتیں ، مزید غیر ضروری باتیں ، تمام باتوں پر ضروری و غیر ضروری تبصرے ، ضروری علاج کی غرض سے دوسرے شہروں سے آ کر گھر میں رہنے والے غیر ضروری مہمان ، مہمانوں کی ضروری باتیں ، ان کی غیر ضروری باتیں ، ان کی ضروری فرمائشیں (دراصل) میری غیر ضروری آزمائشیں ۔۔۔ پہلے سمسٹر میں بہن کی ضروری شادی ، تیسرے سمسٹر میں بھیا کی ضروری شادی ، دوسرے اور آخری سمسٹر میں بہن اور بھائی کی ضروری سسرال کی غیر ضروری آؤبھگت ۔۔۔ تنگ آ کر اماں بابا کو بھڑکانے کی کتنی ہی میری کوششیں ناکامی سے کبھی بھی آگے نہ بڑھ پائیں ۔ ایک بار نہیں کئی بار اپنی بے بسی و معذوری کے واسطے دئے ، پُرزور یقین دہانیاں کروائیں کہ ان حالات میں میرا پاس ہونا تو کجا رعایتی پاس ہونا بھی دُور کی بات ہے ۔

جب جب والدین کے حضور فریاد کی جواب ملا، " انہی حالات میں جینا سیکھو! " ہماری دعائیں تمہارے ساتھ ساتھ ہیں ( جیسے فیل ہونے سے بچا ہی لیں گی! )

ہر فریاد کی ناکامی نے ہر بار مایوسی کے تابوت میں آخری کیل ٹھونکا کہ والدین کو محبت ہی نہیں ہے بلکہ بعض دفعہ تو ان کی دعاؤں سے کچھ کچھ سازش کے سے آثار بھی دکھائی دے جاتے۔ پاس ہونے کی امید تو کیا خواہش ہی نہیں رہی تھی ، ابا جان کی نمازِ شب اور امی کی صبح و شام کی دعاؤں سے دھڑکا سا ضرور لگ گیا تھا کہ کہیں رعایتی نمبر لے کر پاس ہونے کا دھبہ نہ لگ جائے زندگی بھر کے لئے۔

جب کسی طرح دال گلتی نظر نہ آئی تو مایوس ہو کر اماں بابا کے کہے پر عمل کرنے کی ٹھان کر انھی حالات میں جینے کی کوشش شروع کر دی۔ یونیورسٹی میں پڑھائی ناممکن سی بات ہے اور گھر میں پڑھائی اس سے کہیں زیادہ ناممکن بلکہ دیوانے کا خواب ۔ لے دے کے بس یہی امید تھی کہ کم از کم کلاس میں حاضری پُوری ہو تاکہ امتحان کے کمرے میں کم از کم پہلا گھنٹہ تو بغیر شرمندگی کے گذارا جا سکے ۔ ہر بار سمسٹر ختم اور امتحان سر پر آتے اور گذرتے رہے اور پھر آخری سمسٹر بھی آپہنچا اور آ کے وہ بھی گذر گیا اور پھر نتیجہ بھی دیکھ لیا ۔ اماں بابا کی دُعاؤں کی جیت ہوئی اور میری ہار ۔ شگفتہ دی ناکارہ فرسٹ کلاس فرسٹ ۔ ابھی جب میں گولڈ میڈل لے کر اسٹیج سے پلٹی تو دونوں بہت پیچھے کی کرسیوں پر بیٹھے تھے اور ہزاروں تالیوں کی گونج میں مجھے یقین ہو گیا کہ دونوں کی دعاؤں میں میرے لئے سازش تھی ۔

ڈھونڈو گے اگر

2006-04-30T20:55:00.000-07:00

ڈھونڈو گے اگر

ڈھونڈو گے اگر ملکوں ملکوں، ملنے کے نہیں، نایاب ہیں ہم

تعبیر ہے جس کی حسرت و غم ، اے ہم نفسو وہ خواب ہیں ہم
لاکھوں ہی مسا فر چلتے ہیں ، منز ل پہ پہنچتے ہیں د و ایک

ا ے ا ہلِ زما نہ ! قد ر کرو ، نا یا ب نہیں ، کم یا ب ہیں ہم

E + H + T + A = ?

2006-04-03T04:57:00.000-07:00

A B C D E F G H I J K L M N O P Q R S T U V W X Y Z

H + A + T + E = HATE !

..........

2006-03-06T04:32:00.000-08:00

...the unknown stars

my eyes !

2006-01-10T04:15:00.000-08:00

ٹائلیں

ایسا اکثر ہوتا ہے کہ دیوار پر لگی ٹائلیں میری توجہ کھینچ لیتی ہیں اور میں لاشعوری طور پر ان کی گنتی شروع کر دیتی ہوں ، پھر لائن میں ترتیب سے لگی ایک ایک ٹائل جیسے بولنے لگتی ہے ، مجھے دیکھو ، میری چمک ، میرا رنگ ، میری خوبصورتی کو دیکھو ، دیکھو کہ میں ہر لحاظ سے مکمل ہوں ، میرے ہونے سے ہی یہاں کی خوبصورتی وابستہ ہے ، میری چمک سے ہی یہاں روشنی ہے ۔ ۔ ۔ ایک ایک ٹائل بولتی اور میں گنتی رہتی ہوں اور میری نظریں اعتراف کرتی ہیں کہ ہر ٹائل سچ بولتی ہے ۔ پھر کسی نہ کسی ٹائل پر میری گنتی رک جاتی ہے اور میری توجہ کا رُخ بدل جاتا ہے ، آج بھی یہی ہوا لیکن آج میری گنتی جس ٹائل پر ختم ہوئی وہ ٹائل کچھ بولی ہی نہیں وہ تو بس خاموش رہی ، میں اس کے بولنے کا انتظار کرتی رہی وہ پھر بھی نہیں بولی بالآخر مجھے ہی لب کشا ہونا پڑا کہ وہ باقی سب ٹائلوں کے برعکس خاموش کیوں ہے تب اس نے مجھے بتایا کہ میں ٹوٹی ہوئی ہوں اور مجھے خاموش رہ کر ہی اس جگہ کی خوبصورتی بڑھانی ہے ۔ میں ٹائل کو غور سے دیکھتی ہوں تو واقعی وہ آدھی سے بھی زائد ٹوٹی ہوئی تھی ، ٹائل مجھے بتاتی ہے کہ جب اُس کی باری آئی تو دیوار ختم ہو چکی تھی بس ذرا سی ہی جگہ رہ گئی تھی جہاں پوری ٹائل تو نہیں بس اس کا ایک چھوٹا سا حصہ درکار تھا لہٰذا معمار نے اسے توڑدیا اور ایک چھوٹا سا ٹکڑا دیوار میں اس جگہ لگا دیا ، یوں دیوار کی خوبصورتی تو برقرار رہی لیکن ٹائل کا وجود ادھورا ہوگیا۔ ۔ ۔ ٹائل یہاں آ کر خاموش ہوگئی ۔ میں نے اس سے پوچھا کہ کیا اسے اپنے ادھورا ہوجانے کا غم نہیں ہے اس نے کہا کہ اصل مقصد تو اس دیوار کی خوبصورت تکمیل تھی جس میں ہم سب نے اپنا اپنا حصہ ڈالنا تھا میں نے بھی اس تکمیل میں حصہ لیا ہے فرق بس یہی ہے کہ یہ تکمیل میرے ادھورے وجود سے مشروط تھی ۔

ساری ٹائلیں پھر سے بولنے لگیں اور اس کی آواز اس شور میں دب گئی وہ ایک ٹائل اب پھر خاموش ہے ، اور یہ ہم لوگ جو اس زندگی اور اس دنیا کو خوبصورت اور مکمل دیکھنا چاہتے ہیں ہم بھی تو ایسے ہی ہیں کہیں کسی کو مکمل اور کہیں کسی کو ادھورا رہ کر اس کی تکمیل میں اپنا اپنا حصہ ڈالنا ہے لیکن کیا ضروری ہے کہ جو مکمل ہیں وہ بولیں اور بتائیں کہ دیکھو ہم مکمل ہیں اور کیا یہ بھی ضروری ہے کہ جو ادھورے ہیں خاموش رہنا ان کا مقدر سمجھا جائے ۔ ۔ ۔

2005-12-25T02:54:00.000-08:00

ل ، م ، ن ، و ، ہ ، شگفتہ ، ی ، ے ۔

آجکل چھٹیاں ہیں اور ہم دونوں کے عیش کے دن ، رشتہ تو ہمارا بھ سے شروع ہوکر پھ پر ختم ہوجاتا ہے یعنی بھتیجا اور پھوپھو ، لیکن ہم دونوں نے دوستی کا ٹنٹا بھی پال رکھا ہے سو مسائل ہی مسائل ہیں اور ایسے میں رشتہ تو ایک طرف ، ہمارے درمیاں موجود دہائیوں کا فرق بھی چنداں معنی نہیں رکھتا ، اُوپر سے ہم دونوں میں سے ہر فریق اس بات پر ایمان رکھتا ہے کہ اس کی علمیت دوسرے فریق سے ہر صورت ایک درجہ بالا ہی ہے یوں ہم دونوں ہی عالم ہیں اعلیٰ پائے کے ، سو آئے دن ہمارے درمیاں نہ صرف علمی مناظرے ہوتے رہتے ہیں بلکہ ساتھ ہی ساتھ ایک دوسرے کو بلیک میل کرنے کا سلسلہ بھی چلتا رہتا ہے ۔ ہمارا بلیک میلنگ ہتھیار عام طور پر ایک ہی ہوتا ہے لیکن انداز جدا جدا۔ ۔ ۔ ۔ ۔ جیسے آجکل اس ہتھیار کا نام ہے اُردو حروف تہجی ، اب اگر اُسے مجھ سے کوئی کام ہے تو میں الف ب سُنے بغیر وہ کام کر ہی نہیں سکتی اسی طرح اگر مجھے اپنی کوئی بات منوانی ہے تو مجھے اگلے کئی گھنٹوں تک الف ب نہ سننے کا وعدہ کرنا پڑتا ہے یوں ہم دونوں ایک دوسرے کی سرحدی حدود کا احترام و پاسداری کرتے ہوئے اپنے اپنے مطالبات منوا لیتے ہیں ۔ لیکن کچھ دنوں سے اُس نے مجھے ٹف ٹائم دیا ہوا ہے ۔۔۔میں جب الف ب سنوں تو حکم ہے کہ میں بھی ساتھ ساتھ پڑھوں گی ، دوسری شرط یہ ہے کہ پہلے میں پڑھوں گی اور بعد میں وہ خود۔۔۔ بہر حال ہم شروع کرتے ہیں ا ، ب ، پ ، ت ، ٹ ، ث ۔۔۔ ہم پڑھتے رہتے ہیں د ، ڈ ، ذ ، ر ، ڑ ، ز ، اور باہم یہ سفر جاری رہتا ہے ۔ ۔ ۔ ۔ ط ، ظ ، ع ، غ ۔۔۔ ل ، م ، ن ، و ، ہ ، ۔۔۔ کہ اچانک یہاں آکر نہ صرف ہمارا راستہ جدا ہوجاتا ہے بلکہ وہ مجھ سے ناراض بھی ہوجاتا ہے کہ میں اسے چھیڑ رہی ہوں۔ میں پڑھتی ہوں ل ، م ، ن ، و ، ہ ، ء ، ی , ے اور وہ پڑھتا ہے ل،م ، ن ، و ، ہ , شگفتہ ، ی ، ے

!آئندہ بھتیجے کا نام حمزہ رکھنے سے گریز کیا جائے :Moral of the Story

:Note
اگر دنیا بھر کے حکمران دوسروں کی سرحدی حدود کی پاسداری کرنے میں سنجیدہ ہوں اور ہمارے تجربے سے فائدہ اُٹھانا چاہتے ہوں تو ہماری حکمت عملی کاپی رائٹ فری ہے , بخوشی نقل فرمائیں

سیانے کہتے

2005-12-08T03:50:00.000-08:00

سیانے کہتے ہیں کہ اگر آپ نے واقعی اپنی چارپائی کے نیچے صفائی کرنی ہے اور فالتو چیزیں نکالنی ہیں تو خود کبھی یہ کام مت کریں بلکہ کسی دوسرے کی خدمات حاصل کریں ۔۔۔

سیانے یہ بھی کہتے ہیں کہ سیانوں کی سیانی باتوں پر عمل کیا جائے تاکہ فائدہ حاصل ہو۔۔۔

گھر میں کہیں بھی چار پائی نہ پائی کہ فائدہ حاصل کرنا ممکن ہوتا ، پھر ایک دن کتابوں کی الماری فریاد کناں ہوئی کہ اُسے صاف کیا جائے ، سوچا اگر فمزا جیسی بہن کی رضاکارانہ خدمات حاصل ہو جائیں تو اندھے کو اور کیا چاہئے۔۔۔ بس کہنے کی دیر تھی اور وہ دن اور آج کا دن بس کہنے کی دیر ہے اور روشنی کی رفتار سے میری بچپن سے قطرہ قطرہ جمع کردہ کاغذاتی جائداد سے ایفل ٹاور تعمیر ہو جاتا ہے ردّی کی نذر ہونے کے لئے اور بعض دفعہ تو کہنے کی ضرورت بھی پیش نہیں آتی اور صاحبِ جائیداد کے علم میں لائے بغیر ہی نذر بانٹ کر ردّی والے
کی دعائیں لے لی جاتی ہیں !

Moral of the Story: تلاش ہے سیانوں کی ۔ ۔ ۔

... & now

2005-11-05T19:39:00.000-08:00

! یہ زندگی پھر خراج مانگے

Earthquake Victims

ھر کجا رفتم غبار زندگی درپیش بُود

یارب این خاک پریشاں از کجا برداشتم

! بلا عنوان

2005-11-04T17:27:00.000-08:00

موت پھرتی ہے بال کھولے ہوئے
ان گنت لوگ بے سراغ ہوئے
وہ گھٹا ٹوپ ظلمتیں اُٹھیں
شہر کے شہر بے چراغ ہوئے
ہم کو انسانیت پکارتی ہے
سب کو مل کر جواب دینا ہے
کتنے معذور بے سہارا ہیں
کتنی بیوائیں بے رِدا ہیں آج
کتنی آبادیوں میں ماتم ہے
کتنے انسان بے نوا ہیں آج
ہم کو انسانیت پکارتی ہے
سب کو مل کر جواب دینا ہے
زندگی زخم زخم پھرتی ہے
ہم کو ایک ایک زخم بھرنا ہے
جو بھی ہم دے سکیں وہ دینا ہے
جو بھی ہم کر سکیں وہ کرنا ہے

کلام : سید تابش الوری

Ist anniversary of...

2005-10-04T01:30:00.000-07:00

...Test Transmission

my blog :)

تُو صدا تُو نوا۔۔۔

2005-08-14T23:26:00.000-07:00

OK, It's time to Welcome !

2005-07-16T19:05:00.000-07:00

The home is going to be home again, as mom, sis and bro are just ata few hours to be here after enjoying Pakistan tour. Today me and bhabhi tried hard to shape the place again as it was before that they left for journey :-) Yeah, we had time hi time to have destructions almost everywhere in the home and our Tabahi khan was our master-mind... It's now raining here in the cloudy city of these days, the weather is pleasantly pleasant... and... we're ready to welcome !

Wrong Number !

2005-06-24T19:34:00.000-07:00

:)

2005-04-08T16:50:00.000-07:00

~The Job~

~~~ I got it ~~~

Hmm...

2004-10-14T19:53:00.000-07:00

Hmmm.... it's Me !!

AA'M ie...

وقتیکہ

برگشتن

وہی خدا ہے

وہی خدا ہے !

بوچھی

یوریکا ۔ ۔ ۔

:) :)

- ۔

یہ سب خانے اب میرے ہیں یعنی سو فیصد کامیابی

:) :)

کبھی کبھی لگتا ہے ناں کہ جو ہم چاہتے ہیں کرنا چاہتے ہیں وہ نہیں ہو سکے گا۔ کہیں سے بھی کوئی صورت نہیں نظر آ رہی ہوتی ۔ ۔ ۔ لیکن اگر کوشش کریں تو پھر ہو جاتا ہے ۔ ۔ ۔

:) :)

اس وقت کا سکون پھر نہیں معلوم کتنے دن بعد ملے شاید کسی دن ایسے ہی جب اسی طرح آنکھ کھل جائے گی تب ۔

:) :) :)

سونے سے پہلے صبح کے لیے جو ڈریس نکالا تھا وہ مسٹرڈ شیڈ میں ہے لیکن اب میرا دل آف وائٹ اینڈ بلیک پر آ رہا ہے۔

:) :)

:) :) :) :)

عید الاضحی مبارک

آج عید ہے

آج ہم سب مسلمان ہیں

ہم سب اگلے بیس دنوں تک بھی مسلمان رہیں گے

اس کے بعد ہم تقسیم ہوجائیں گے

ہم مسلمانوں کے پاس بہت پیسہ ہے

لیکن یہ ہم تعلیم کے لیے خرچ نہیں کیا کرتے

ہماری ترجیحات میں تعلیم کہیں نہیں ہے

کہیں ہم پڑھ لکھ نہ جائیں

کیا آپ کو یقین نہیں آیا کہ ہمارے پاس پیسہ ہے

بے شک حساب لگا لیں

ہم قربانی کے نام پر پہلے دن دوسرے دن حتی کہ تیسرے دن بھی بھاری رقوم خرچ کرتے ہیں

لیکن ہاں حساب لگا کے یہ نہیں کہنے کی ضرورت کہ کچھ حصہ ہی سہی تعلیم کے لیے خرچ کر لیں ان رقوم سے

ہم آپ کی ذہنیت پر شک کریں گے اگر آپ نے ایسا سوچا بھی۔

ہم کھاتی پیتی قوم ہیں

ہمیں کھانے پینے سے دلچسپی ہے

قربانی کے جانوروں کو ہم فریزر میں بھر بھر کھاتے رہتے ہیں قربانی کے نام پر

ہمیں کھانے سے اس درجہ رغبت ہے کہ ملک تک کھائے جا رہے ہیں

کھائیں گے تو ظاہر کہ غنودگی ہوگی

جتنا زیادہ کھائیں گے اتنی زیادہ غنودگی

اب اتنا بڑا ملک کھائیں گے تو غنودگی بھی اسی حساب سے ہونی ہے

اس لیے آپ اکثر بلکہ تمام اہم معاملات پر ہمیں سوتا ہوا پائیں تو

خبردار

ہمیں ڈسٹرب نہ کریں

ایسا نہ ہو کہیں جگانے کا سوچنے لگیں

اچھا کہیں آپ کو شک تو نہیں ہے ناں ہم پر ۔ ۔ ۔ ان باتوں پر

اگر ذرا سا بھی شک ہوتو بے شک کسی سے بھی پوچھ کے دیکھ لیں

:) :)

البتہ ایک راز کی بات ۔ ۔ ۔

ان باتوں پر دھیان نہ دیں

شگف تو پاگل ہے

آپ کو ان باتوں میں لگا کر خود چائے سے شغل فرمانا ہے

یہ دیکھیں ایسے ۔ ۔ ۔

:) :)

اٹس ٹی بریک ۔

مقدمہ

نہیں جی یہ کسی بندے پر مقدمہ نہیں کیا جا رہا حالانکہ بہت دل ہے کہ چند لوگوں پر مقدمہ کیا جاسکتا ۔

:)

لڑکوں کو کتنی آسانیاں ہوتی ہیں جدھر دل ہوا منہ [بھلے منہ اس لائق ہو یا نہ ہو] اُٹھا کے چل دیئے۔ دنیوی و اُخروی ساری کی ساری مصیبتیں ہمارے لئے ہی رہ گئیں ہیں۔ ۔ ۔

اس سفر نامہ کے وجود میں آنے کی سراسر ذمہ داری فمزا کی شادی پر عائد ہوتی ہے اس میں سچی سے میرا کوئی قصور نہیں ہے۔

:)

نبیل بھائی کے گھر جا کے میرے ذہن میں نبیل بھائی کا جو تصور تھا وہ ایک دھچکے سے تبدیل ہوا

:)

میں بھیا کی بھی دل سے شکر گذار ہوں کہ مجھے نبیل بھائی کے گھر لے کر گئے۔

محب علوی فیملی سے ملاقات نہیں ہوسکی البتہ فون پر ہی دو تین بار بات ہوسکی۔ مسز ق محب علوی سے بات کرکے مجھے بہت اچھا لگا ۔

She’s a nice person.

میرا دل تھا کہ سب کو روبرو یا فون پر شکریہ ادا کر سکوں۔

سفر کرنا اچھا لگتا ہے کچھ نہ کچھ سیکھنے کو موقع ملتا ہے۔ اس سفر میں بھی مجھے سیکھنے کو موقع ملا ۔ مجموعی طور پر لاہور جانا اچھا لگا۔

زندگی کبھی بہت خوبصورت اور کبھی بالکل بھی اچھی نہیں لگتی۔ تھینکس ٹو آل دوز جو زندگی میں روشن چہرے ثابت ہوتے ہیں اپنی روشن سوچ کے ساتھ ۔ ۔ ۔ اپنے روشن عمل کے ساتھ

لاہور کا سفر ختم ہوا ۔ ۔ ۔ زندگی کا سفر بھی کسی وقت ختم ہو ہی جانا ہے ، تھینک گاڈ کہ اس دنیا میں ہمیشہ کے لئے نہیں رہنا ۔

شکر ہے اردو محفل سے کوئی رکن بہاولپور میں نہیں ہے۔

آخر میں ایک بات کہنا ہے

کچھ غیر ضروری حصہ نکالنا ہو؟

بیک گراوّنڈ میں موجود آواز ختم کرنا ہو؟

بیک گراوّنڈ میں کوئی ساوّنڈ ایفیکٹ شامل کرنا ہو؟

شکریہ

حج بالآخر ہو چکا ۔ کتنے ہی پسندیدہ لوگوں نے حج ادا کیا ۔ کل یہاں عید ہے۔

ماوراء ، بہت بہت مبارک باد انکل آنٹی کے حج مبارک کی۔ اور آنٹی اور انکل کو بھی مبارک باد

ناراض دوست :)

رمضان کاؤنٹ

ٹیسٹ پوسٹ2

آزادی

-

۔

اٹس ٹی بریک

۔